1. Twee uitdrukke van die finale skedule van inskrywings is onder aparte omslag aan u versend. Een is vir u rekords en die ander vir voltooiing ooreenkomstig die onderstaande voorskrifte.
2. Let asseblief daarop dat die eksamennommers wat op die skedule voorkom die finale eksamennommers is wat aan die kandidate toegeken is.
3. Prinsipale/sentrumbestuurders van skole en kolleges word versoek om te kontroleer of alle korreksies aangebring is. Indien tikfoute op die skedules voorkom, moet u die Direktoraat: Eksamens onverwyld skriftelik daarvan in kennis stel.

L.W. Die Departement sal geen nuwe vak en/of graadveranderings aanbring nie. (Verwys asseblief na Eksamenminuut 0031/2004 gedateer 27 Julie 2004, asook Omsendbrief 0223/2003)

4. Die werklike punte wat elke kandidaat by die interne eksamens in Junie en September in sy/haar vakke behaal het, moet ingevul word op die tweede skedule wat dan aan die Departement terugbesorg moet word. Die punte moet in INK teenoor die toepaslike ruimte vir die spesifieke vak waarvoor die kandidaat ingeskryf het, onder die opskrif “Junie en September” ingevul word. Die kandidate se groottotale vir Junie en September moet onmiddellik onder die vakke se punte ingeskryf word.
5. Slegs die finale punt wat die kandidaat in die vak(ke) behaal het moet op die skedule aangebring word. Die punte vir die mondeling eksamen, voorbereide werk, ensovoorts moet by die finale punt ingesluit wees. Die woorde per minuut vir Tik moet ook op die skedule teenoor die vak aangedui word.
6. Indien ‘n kandidaat vir die interne eksamen vir die derde kwartaal afwesig was, moet dit op die skedule teenoor die vak aangedui word en ‘n punt gebaseer op sy/haar prestasie in die vak gedurende die jaar daar ingeskryf word.
7. Indien ‘n kandidaat vrygestel is van die vereiste om ‘n amptelike tweede taal te slaag of aan te bied, moet die woord “Vrygestel” met rooi ink teenoor die betrokke vak ingeskryf word, asook die verwysingsnommer en datum van die Departement se magtiging vir die vrystelling. Die letter “M” verskyn in die “MT” kolom ten opsigte van kandidate wat immigrante is.
8. Die standerdgemiddelde (werklike punt) ten opsigte van elke vak vir die September eksamen moet op die drukstuk getiteld “STANDERD GEMIDDELDES BEHAAL IN SEPTEMBER 2004” ingevul word.
9. ‘n Afskrif van die finale skedule van inskrywings ten opsigte van privaatkandidate wat aangedui het dat hulle die eksamen by u skool wil aflê, sal vir kennisname aan u voorsien word, waar van toepassing.
10. Die voltooide finale skedule van inskrywings, tesame met die “Standerd gemiddeldes” moet deur u onderteken word en teruggestuur word om die Departement te bereik nie later nie, as Vrydag 29 Oktober 2004.


GETEKEN: A.P. CLAUSEN
HOOF: ONDERWYS
DATUM: 2004:08:26


Die dokumente, waarna verwys word as bylaes by die minuut, word nie aangeheg nie maar is as drukstukke beskikbaar.