| A |
REGISTRASIE VAN LEERDERS PER HAND. |
| 1. |
U word hiermee versoek om die ingeslote inskrywingsvorms sowel as Bylaes B en C ten opsigte van u skool/sentrum se leerders vir die 2004 Senior Sertifikaat-eksamen in te vul. Indien addisionele vorms benodig word, mag u afdrukke daarvan maak. Die voltooide inskrywingsvorms en gepaardgaande bylaes ten opsigte van voltydse en deeltydse (VBOO) en privaatleerders moet hierdie kantoor nie later nie as 15 Maart 2004 bereik. (L.W. : Vorms van vorige jare asook onvolledig voltooide vorms sal nie aanvaar word nie). |
| 2. |
Die Departement ondervind elke jaar probleme met die finalisering van die inskrywings vir die eksamen as gevolg van foute. Baie versoeke om vak- en graadveranderings word ook ná die finalisering van inskrywings sowel as gedurende die eksamen ontvang. U kan begryp dat hierdie aansoeke groot probleme veroorsaak met die prosessering van die uitslae en ‘n addisionele administratiewe las op die Direktoraat: Eksamens plaas. Verseker dus asseblief dat inskrywingsvorms in alle opsigte korrek voltooi word. Geen vak- of graadveranderings sal dus vanjaar na finalisering van die inskrywings toegelaat word nie. U word verwys na Omsendbrief 0167/2003 in die verband. Tydens die November 2003 eksamen het tientalle leerders wederregtelik van vak/graad verander en is hul uitslae vir 14 dae teruggehou. Die Departement hou hom vanjaar die reg voor om die uitslae van sodanige leerders nietig te verklaar. Ten einde van die probleme uit te skakel, word u versoek om asseblief na die volgende aspekte om te sien by registrasie van leerders:
| (i) |
| Leerders van OLSO- en afrondingskole met minder as 6 vakke maar wat deurlopende assesseringspunte (DASS)opbou. | REGISTREER AS VOLTYDS |
| Leerders wat nie by ‘n skool of sentrum klas loop nie. | REGISTREER AS PRIVAAT |
| Leerders van afrondingskole en wat VBOO (ABET) klasse loop en nie DASS- punte opbou nie. | REGISTREER AS DEELTYDS |
|
(ii) |
Maak asseblief seker dat die korrekte vakkeuses vir elke leerder aangedui word . Leerders se vakke sal beperk word tot die skool/sentrum se kurrikulum aanbieding. By voltooiing van die inskrywingsvorms maak asseblief seker watter van die volgende vakke u skool/sentrum aanbied en dat leerders in hierdie opsig korrek ingeskryf word.
Houtwerk/Houtbewerking
Funksionele Natuur- en Skeikunde SG/Natuur- en Skeikunde HG of SG
Funksionele Wiskunde SG/Wiskunde HG of SG/Addisionele Wiskunde HG
Beeldhoukuns SG/Grafiese Kuns SG/Ontwerpkuns SG/Skilderkuns SG/
Kuns HG of SG
Tik SG/Rekenaartik SG/Rekenaarstudie HG of SG
Biologie HG of SG/Fisiologie HG of SG |
| (iii) |
In gevalle waar leerders onderrig in kunsvakke by ‘n kunssentrum ontvang, moet ‘n skrywe van die kunssentrum waarin bevestig word watter vakke die leerders aanbied, die inskrywingvorms vergesel. |
|
| 3. |
Die besonderhede van elke leerder se inskrywing sal op ‘n voorlopige skedule van inskrywing verskyn wat gedurende April 2004 aan u gestuur sal word. U sal by hierdie geleentheid finale noodsaaklike regstellings en/of wysigings aan die leerders se inskrywings kan doen sodat dit hierdie kantoor nie later nie as 30 April 2004 bereik. Neem asseblief kennis dat gemotiveerde aansoeke om graadveranderings onder aparte omslag gemaak moet word. |
| 4. |
Let asseblief op die volgende wanneer u die inskrywingsvorm voltooi: |
| 4.1 |
Sentrumbestuurders van Gemeenskapsonderrigsentrums moet asseblief toesien dat die inskrywingsvorms gemerk “ABET” voltooi word. |
| 4.2 |
Besonderhede moet met ink en in drukskrif ingeskryf word. |
| 4.3 |
Indien ‘n fout begaan word, moet dit sorgvuldig reggestel word. |
| 4.4 |
VOOR DIE VOLTOOIING VAN DIE INSKRYWINGSVORMS MOET DIE VOLGENDE VOORSKRIFTE EN DIE MEEGAANDE VOORBEELD (BYLAE A) NOUKEURIG BESTUDEER WORD: |
| 4.4.1 |
Inskrywingsvorms moet in streng alfabetiese volgorde gerangskik word. |
| 4.4.2 |
Prinsipale en Sentrumbestuurders sowel as Hoofde van Kolleges moet verseker dat ‘n inskrywingsvorm ten opsigte van elke voltydse en deeltydse leerder wat die Senior Sertifikaat-eksamen wil aflê voltooi word. VORMS MOET OOK TEN OPSIGTE VAN AFWESIGES VOLTOOI WORD ONGEAG OF DAAR ONSEKERHEID BESTAAN OF DIE LEERDER DIE EKSAMEN GAAN AFLÊ AL DAN NIE. |
| 4.4.3 |
Prinsipale/Sentrumbestuurders moet daarop let dat hulle verantwoordelik is vir die korrektheid van die inligting op die inskrywingsvorms en dat leerders onder geen omstandighede hierdie vorms self mag voltooi nie. Van leerders word verwag om die korrektheid van die inskrywing te kontroleer. |
| 4.4.4 |
U moet veral let op die korrektheid van die volgende inligting:
Volgnommer - Ken ‘n nommer toe in numerieke volgorde (1,2,3 ens).
Eksamenvraesteltaal - Dui aan met ‘n "X"
Sertifikaattaal - Dui die toepaslike kode aan met ‘n "X"
Status van leerders - voltyds, deeltyds of privaat
Immigrant - Dui ‘n "Y" (JA) aan indien die leerder Departementele goedkeuring ontvang het of aansoek gedoen het om as ‘n immigrant leerder geregistreer te word. Merk die veld met ‘n "N" (NEE) as die leerder nie as ‘n immigrant geklassifiseer is nie.
Skryftekens in naam - (is daar enige aksent en/of skryftekens in die leerder se van en/of voorname, bv ê,ë of é ? ) Dui aan "JA/NEE"
Ras - Word deur die Nasionale Onderwysdepartement verlang vir statistiese doeleindes. Die Departement is terdeë bewus van die sensitiwiteit rondom die aanduiding van ras op enige vorm. Dit is egter vir die Departement van Nasionale Opvoeding belangrik om die vordering wat in die onderwys sedert 1994 gemaak is te ontleed ten einde tekortkominge wat geïdentifiseer mag word aan te spreek. Prinsipale en leerders word derhalwe versoek om hul samewerking in hierdie verband te gee.
Huistaal - Dui die toepaslike kode aan
LSOB - Dui die toepaslike kode aan
|
| 4.4.5 |
Vakkeuse vir die November 2004 Senior Sertifikaat-eksamen: Slegs vakke met vakkodes op die inskrywingsvorm word deur hierdie Departement aangebied. Prinsipale, Sentrumbestuurders van Gemeenskaponderrigsentrums en Hoofde van Kolleges word versoek om die vakkeuses korrek teenoor die vakkode met ‘n kruisie (X) in die HG of SG kolom te merk. |
| 5. |
Matrikulasie endossement |
| 5.1 |
Om vir matrikulasie-endossement in aanmerking te kom, moet ‘n leerder se keuse van ses vakke minstens een vak uit elk van vier verskillende groepe insluit. Minstens drie vakke moet op die Hoër Graad aangebied word. Een hiervan moet ‘n amptelike Eerste Taal Hoër Graad wees. Die oorblywende twee moet gekies word uit twee van die Groepe B,C,D,E en F. (Buiten die genoemde drie Hoër Graad vakke moet die amptelike Tweede Taal ook op die Hoër Graad aangebied word.) |
| 5.2 |
Die Departement is bereid om ‘n leerder wat sewe en meer vakke neem toe te laat om in November 2004 te skryf, mits die addisionele vak(ke) nie met enige van sy ander vakke op die eksamenrooster bots nie. Indien daar enige botsings op die rooster voorkom as gevolg van die vakkeuses, mag die leerder dit in die daaropvolgende Aanvullingseksamen (Feb/Maart) afskryf. (L.W. leerders moet reeds in die November-eksamen vir die betrokke vak geregistreer wees.) |
| 5.3 |
Die punte van die twee amptelike tale en vier vakke waarin die leerder die beste presteer het, sal vir groottotaaldoeleindes in berekening gebring word. |
| 5.4 |
Sorg moet gedra word dat die van, voorname en geboortedatum en of ID nommer van elke leerder absoluut korrek is omrede hierdie name op die sertifikate van leerders sal verskyn. |
| 6. |
Adres Elke leerder se uitslagadvies sal na die adres wat deur die leerder op die vorm aangedui is, versend word. Dit is soms nodig om leerders gedurende die Desember vakansie te kontak of met hulle te korrespondeer. DIT WORD DUS VERKIES DAT HULLE HUISADRES EN NIE DIÉ VAN DIE SKOOL/SENTRUM, INGEVUL WORD. |
| 7. |
ONDERTEKENING VAN INSKRYWINGSVORMS |
| 7.1 |
Nadat die prinsipaal/sentrumbestuurder of sy/haar gedelegeerde die vorm ingevul het, moet die leerder en die prinsipaal/sentrumbestuurder die inligting as korrek en volledig sertifiseer. |
| 7.2 |
In gevalle waar ‘n leerder weens siekte of ander onvermydelike omstandighede nie beskikbaar is nie, moet die inskrywingsvorm slegs deur die prinsipaal/sentrumbestuurder onderteken word. Die prinsipaal/sentrumbestuurder moet egter langsaan sy handtekening aandui dat die leerder afwesig was. |
| 8. |
OPSOMMINGSBLAD VAN IMMIGRANTE- BYLAE C Die opsommingsblad moet ten opsigte van ALLE leerders wat deur die Departement as immigrante geregistreeer is en wat vrygestel is van die verpligting om ‘n tweede amptelike taal aan te bied of te slaag, voltooi word. Indien ‘n skool geen immigrantleerders het nie, moet ‘n nulopgawe ingedien word. |
| 9. |
Die inskrywingsvorms mag met die amptelike koerierdiens aan die Direktoraat: Eksamens teruggestuur word. Prinsipale/sentrumbestuurders moet asseblief toesien dat die inskrywingsvorms die Direktoraat: Eksamens teen die betrokke keerdatum bereik. |
| 10. |
Kringbestuurders/VBOO Beplanners word versoek om toe te sien dat die skole/sentrums onder hulle toesig die inskrywingsvorms teen die keerdatums indien. |
| 1. |
U word verwys na omsendbrief 0073/2003. Skole wat van die aanlyn registrasieproses gebruik maak moet vanaf begin Februarie 2004 met die aanlynregistrasie van hulle leerders vir die November 2004 Senior Sertifikaat- eksamens ‘n aanvang maak. |
| 2. |
Geliewe die ondervermelde instruksies noukeurig na te volg:
Stap 1
Aanlyn registrasie vind plaas via die Internet en moet die volgende "URL" gebruik 2004 Senior Certificate Entries by http://wced.wcape.gov.za word: Kliek op "At your service" en "Administrator" Daarna kliek op "November 2004 Senior Certificate entries", vervolgens sleutel in gebruikers identiteitsnommer(Emis nr) en daarna die wagwoord ("Password")
VBOO-sentrums moet hul Emis-nommer ook as wagwoord gebruik.
Stap 2
Selekteer tipe leerder vir registrasie bv. slegs Voltyds of slegs VBOO ens.
Stap 3
‘n Skoon inskrywingsvorm sal verskyn. Voltooi al die besonderhede van die leerder deur te kliek op die toepaslike knoppie of selekteer van "drop-down-menu".
Kliek op "add' knoppie om die volgende leerder te registreer.
‘n "Update" knoppie sal dan verskyn.
Die "update" knoppie is om wysigings/veranderings van reeds geregisteerde leerders aan te bring.
‘n "Print" knoppie sal ook verskyn wat gebruik word om leerders se inligting te druk vir rekorddoeleindes. Om ‘n lys van alle leerders en hul vak inskrywings te druk, kliek op "view list of all candidates".
|
| 3. |
Geliewe daarop te let dat alle keerdatums en instruksies soos in die geval van die Registrasie van leerders per hand ook op u van toepassing is en streng en noukeurig nagevolg moet word. |
GETEKEN: A.P. CLAUSEN
HOOF: ONDERWYS
DATUM: 2004:02:02
|