Bring asseblief die volgende inligting onder die aandag van alle graad 12 Rekeningkunde leerders:

1. Die gewone departementele eksamen antwoordboeke (groen - Hoërgraad of geel - Standaardgraad) moet nie aan die kandidate voorsien word nie. Alle vrae en berekeninge moet in die spesiale gedrukte antwoordboek gedoen word.

2. Gebruik van potlood en korrigeerlak

Die gebruik van potlood en korrigeerlak (Tippex) is nie aanvaarbaar in die handel en nywerheid nie. Dit sal daarom nie aanvaar word indien kandidate met potlood op die finale antwoordbladsye skryf, of korrigeerlak gebruik nie. Alle antwoorde moet in swart of blou ink geskryf word om Rekeningkunde op skoolvlak in lyn te bring met Algemene Aanvaarde Rekeningkundige Praktyk (A.A.R.P.). Kandidate mag egter ‘n potlood gebruik om berekeninge en rofwerk op die teenoorgestelde blanko bladsye te doen.

Indien kandidate foutiewe inskrywings moet regstel, moet die volgende prosedure gevolg word:

  • haal die foutiewe item deur met behulp van ‘n pen en liniaal

  • skryf die korrekte antwoord bo of langs die oorspronklike item; en

  • indien ‘n bedrag reggestel moet word, moet die volle bedrag en nie net ‘n gedeelte verander nie, bv.:

    • 360 moet 361 wees 361
    Stel as volg reg:  360
    1
    en nie soos volg nie:  360

3. Kandidate sal gepenaliseer word vir die volgende:

  • skryf met potlood

  • die gebruik van korrigeerlak

  • weglaat van datums

  • gebruik van onaanvaarbare afkortings

  • oormekaar skryf van syfers

  • beginselfoute
4. Permutasies: Geen punte sal vir permutasies van leerders se antwoorde, wat nie deur berekeninge ondersteun word, toegeken word nie bv.:
Memorandum       3    3    3
Rente op lening (450-150+100)		 3333
400
Kandidaat A se antwoord      3   3
Rente op lening                (450-150)		300
Kandidaat B se antwoord
Rente op lening 		300

Kandidaat A sal 2 punte ontvang omdat die kandidaat sy/haar berekening getoon het, alhoewel die antwoord verkeerd is.

Kandidaat B sal geen punte ontvang nie, alhoewel die antwoord dieselfde as kandidaat A s’n is. Dit is omdat kandidaat B nie sy/ haar berekening getoon het nie.

5. Alternatiewe formate: Waar alternatiewe formate in die antwoordboekie voorsien word, moet kandidate slegs EEN daarvan voltooi. Indien kandidate albei voltooi, sal slegs die eerste antwoord gemerk word (verwys na Omsendbrief 033/2002 )
6. Opvoeders moet kennis neem van die aanbevelings in die eksaminatorsverslag. Die bogenoemde inligting moet vanaf die vroegste grade van toepassing gemaak word.
7. Prinsipale/Volwassene Leersentrumbestuurders word versoek om toe te sien dat die inhoud van hierdie eksamenminuut onder die aandag van alle betrokkenes gebring word.


GETEKEN: A.P. CLAUSEN
HOOF: ONDERWYS
DATUM: 2004:06:21