| 2. |
Die WKOD wil graag alle skole bedank vir hulle deelname aan die taaltoets op 19 Mei 2004. U word ook herinner aan die verpligte wiskundetoets wat op 27 Julie 2004 deur alle graad 8-leerders geskryf moet word. |
| 3. |
Prinsipale word versoek om te verseker dat die volgende probleme wat deur die Direktoraat Eksamens tydens die kontrolering van die antwoordblaaie vir die taaltoetse teëgekom is, onder die aandag van die betrokke leerders gebring word: |
| 3.1 |
Ink is gebruik i.p.v. potlood. |
| 3.2 |
Die skakering van die ovale was dikwels nie donker genoeg nie as gevolg van die gebruik van die verkeerde soort potlood. ('n 2B- of 'n B-potlood moet gebruik word.) |
| 3.3 |
Leerders se name en vanne is verkeerd geskakeer. (LW: Slegs die ooreenstemmende ovaal onder elke letter van die alfabet van 'n leerder se naam moet geskakeer word, beginnende by die eerste ovaal aan die linkerkant van beide die van- en naamkolom.) (Kyk aangehegte voorbeeld, nommers 2, 3, 4, 6, 7 en 8 wat verwys na hierdie paragraaf nommers.) |
| 3.4 |
Name en vanne is in die verkeerde kolomme ingevul. |
| 3.5 |
Die spelling van leerders se name op die antwoordblad het dikwels verskil van dié op die leerderregistrasievorms. |
| 3.6 |
Geslag is nie in die ovaal geskakeer nie. |
| 3.7 |
Skooljaar is nie in die ovaal geskakeer nie. |
| 3.8 |
Taal is nie geskakeer nie. |
| 3.9 |
Antwoordblaaie is nie korrek verpak nie. (LW: 'n Bondel bestaande uit 'n maksimum van vyftig blaaie of 'n bondel per klas, elk met sy eie ooreenstemmende leerderregistrasievorm, moet tussen twee stukke karton geplaas word, en nie in die vraestel nie.) |
| 3.10 |
Adviesvorms rakende antwoordbladopgawes is nie saam met die antwoordblaaie teruggestuur nie. |
| 3.11 |
Vraestelle is teruggestuur aan die Direktoraat teen groot onkoste vir die Departement. (Vraestelle moet nie aan die Departement teruggestuur word nie. en kan deur leerders of skole gehou word.) |
| 4. |
Let asseblief daarop dat aangesien die name van die leerders elektronies geskandeer en gelees word, leerders nie sal kwalifiseer vir die ontvangs van 'n sertifikaat indien hulle name nie korrek op die antwoordblad geskakeer is nie. Opvoeders moet asseblief vir leerders bystaan met die invul van besonderhede volgens die voorbeeld op die aangehegte antwoordblad. Prinsipale moet asseblief seker maak dat hierdie instruksie nougeset uitgevoer word. |
| 5. |
Die pakke antwoordblaaie (met die antwoordbladopgaweadvies en die leerder-registrasievorms bo-op), moet in die grys plastieksakke wat vir die doel voorsien word op 28 Julie 2004 via Skynet Koeriers teruggestuur word aan die Direktoraat: Eksamens (Vir aandag: Mnr E van Breda). |
| 6. |
U samewerking sal waardeer word. |
GETEKEN: A.P. CLAUSEN
HOOF: ONDERWYS
DATUM: 2004:06:14
|