| 1. |
Prinsipale word hiermee versoek om alle aansoeke om eksamenkonsessies (bykomende tyd óf enige ander alternatiewe of aangepaste wyse van eksaminering) ten opsigte van kandidate vir die Senior Sertifikaateksamen ooreenkomstig die riglyne soos vervat in Bylae A van Eksamen Omsendminuut 0015/99, gedateer 3 September 1999, nie later nie as 31 Julie 2004 aan die Departement voor te lê. Indien u skool/sentrum nie in besit van sodanige beleidsdokument is nie, kan dit by die Direktoraat: Eksamens aangevra word. |
| 2. |
‘n Volledige professionele verslag (nie ouer as drie jaar nie) van ‘n medikus , paramedikus of sielkundige en ander stawende bewyse, (bv.Toetsresultate, eksamenuitslae, ens), moet Bylae B (voorgeskrewe aansoekvorm) vergesel. |
| 3. |
In gevalle waar aansoek gedoen word om swak spelling of ‘n handskrifprobleem onder die aandag van die eksaminator te bring, moet werklike voorbeelde van die leerder se skriftelike werk (waaruit die probleem duidelik blyk) ook aangeheg word. |
| 4. |
Die prinsipaal moet ‘n duidelike uiteensetting van die kandidaat se probleem, soos in die klaskamer waargeneem, voorlê. Waar die probleem kronies van aard is, moet hy/sy aandui watter optrede voorheen in die kandidaat se skoolloopbaan gevolg is. |
| 5. |
Aansoeke om bykomende skryftyd weens onvoorsiene omstandighede, (soos boarm- of vingerbreuke) wat na 30 Julie 2004 ontstaan, moet ook op die voorgeskrewe vorm voorgelê word. As die dringendheid van die situasie tydens die eksamen dit vereis, mag telefonies aansoek gedoen word, waarna die nodige vorms en mediese of ander stawende dokumente per pos of faks ingedien moet word. (Mev. H.F. Du Toit kan by telefoonnommer 021 467 2917 in dié verband genader word.) |
| 6. |
Die Departement se beslissing oor bykomende skryftyd, sowel as ander aanpassings, sal aan die prinsipaal gestuur word en is vir die November sowel as die Februarie/Maart aanvullingseksamen geldig tensy anders gemeld. Die prinsipaal moet die opsiener en die kandidaat skriftelik van die besluit in kennis stel. |
| 7. |
Let asseblief daarop dat toestemming vir bykomende tyd vir alle interne eksamens tot en met die September Graad 12-eksamen, deur die betrokke kringbestuurder verleen mag word. (Prinsipale moet rekord van sodanige toegewings hou). |
| 8. |
Alle aansoeke moet deur die prinsipaal aanbeveel en onderteken word. |
| 9. |
Die inhoud van hierdie eksamenminuut moet asseblief onder die aandag van alle betrokkenes gebring word. |
GETEKEN: A.P. CLAUSEN
HOOF: ONDERWYS
DATUM: 2004:05:25
|