1. Aansoeke word ingewag van persone wat in Desember 2004 kan optree as nasieners van vakke ( lys van vakke aangeheg ) wat gedurende die Oktober/November 2004 Senior Sertifikaat-eksamen geskryf is. Hierdie persone moet voldoen aan die kriteria in paragraaf 2 hieronder.

LW: IN `N SKOOL/INRIGTING MET `N SLAAGPERSENTASIE VAN MINDERAS 40% MAG GEEN OPVOEDER WAT `N VAKSLAAGPERSENTASIE VAN MINDER AS 50% IN DIE SENIOR SERTIFIKAAT-EKSAMEN VAN DIE VORIGE JAAR BEHAAL HET, AANGESTEL WORD AS `N NASIENER IN DIE SENIOR SERTIFIKAAT-EKSAMEN VAN DIE VOLGENDE JAAR NIE.
2. Algemene kriteria
2.1 Onderwysondervinding: Opvoeders wat die vak gedurende enige van die afgelope drie jaar op Graad 12-vlak onderrig het, kan aansoek doen.
2.2 Kwalifikasies: 'n Erkende driejarige nà-Senior Sertifikaat-kwalifikasie wat die vak waarvoor aansoek gedoen word op tweede- of derdejaarsvlak insluit, of ander toepaslike nà-SeniorSertifikaat-kwalifikasies.
2.3 Alle aansoekers moet in diens wees by skole of inrigtings wat kandidate vir die Wes-Kaap Senior Sertifikaat-eksamen voorberei.

LW. OM TE VERSEKER DAT DIE FUNKSIONERING VAN DIE SKOOL/ INRIGTING NIE DEUR DIE AFWESIGHEID VAN OPVOEDERS GEAFFEKTEER WORD NIE, SAL NIE MEER AS 30% VAN OPVOEDERS BY `N BETROKKE SKOOL/INRIGTING AS NASIENERS AANGESTEL WORD NIE. DIE WKOD SAL `N FINALE BESLUIT NEEM OOR WATTER OPVOEDERS AS NASIENERS AANGESTEL KAN WORD.
2.4 Die WKOD ondersteun die Wet op Diensbillikheid en aanstellings as nasieners sal in lyn wees met die Departement se Diensbillikheidsplan. Dit is dus noodsaaklik dat aansoekers hul ras en geslag op die aansoekvorm aandui.
2.5 Aansoekers wat aangedui het dat hulle van voorneme is om te bedank of af te tree en hulle diens by die WKOD teen 30 September 2004 te beëindig, sal nie vir aanstelling oorweeg word nie.
2.6 Aansoekers in beheerliggaamposte mag wel aansoek doen, maar opvoeders wat deur die WKOD besoldig word, sal tydens die benoemings-/aanstellingsproses voorkeur geniet.
2.7 ‘n Aansoeker moet ‘n afsonderlike aansoekvorm voltooi vir elke vraestelwaarvoor hy of sy aansoek doen.
2.8 Nuwe aansoekers
2.8.1 Gewaarmerkte afskrifte van hulle kwalifikasies moet die aansoekvorms van alle nuwe aansoekers vergesel.
2.8.2 Indien bogemelde dokumente nie ‘n nuwe aansoeker se aansoekvorm vergesel nie, sal die aansoek nie oorweeg word nie. Geen uitsonderings sal in hierdie verband gemaak word nie en geen korrespondensie sal met aansoekers daaroor gevoer word nie.
3. Aansoeke moet ingedien word op die aangehegte voorgeskrewe aansoekvorm, wat ook verkrygbaar is by 
HOOF: ONDERWYS 
WKOD DIREKTORAAT: EKSAMENS
KAMER 4-13
GRAND CENTRALTOWERS
LAER PARLEMENTSTRAAT
KAAPSTAD
8001
Webtuiste WCED Online  by http://wced.wcape.gov.za/circulars"

Alle navrae, hetsy per telefoon of skriftelik, moet gerig word aan die Direktoraat: Eksamens en NIE direk aan eksaminatore nie. Kontak mnr M Cameron by Tel. (021) 467-2964, mnr D Pretorius by Tel. (021) 467-2980 of Me B Calvert by Tel. (021) 467-2994 of, faks (021) 461-5628 of stuur 'n e-pos aan: Micheal Cameron by mgcamero@pgwc.gov.za, Dean Pretorius by dpretorius@pgwc.gov.za, Brownwyn Calvert by bcalvert@pgwc.gov.za of Norman Riddles by nriddles@pgwc.gov.za

Afskrifte mag van die aangehegte vorm gemaak word. Volledig voltooide aansoekvorms moet op nie later nie as 31 Mei 2004 in die besit van die Direktoraat: Eksamens wees. Onder geen omstandighede moet aansoeke direk aan die onderskeie eksaminatore gestuur word nie.
4. Alle nasienwerk word verrig by `n sentrale sentrum in of naby Kaapstad, soos deur die Departement bepaal.
5. Die nasien van eksamenskrifte sal op ongeveer Dinsdag 30 November 2004 om 07:30 `n aanvang neem en sal eindig op ongeveer Woensdag 8 Desember 2004 om 18:00. Die presiese datums en tye sal later aangekondig word.
6. Daar sal van nasieners verwag word om minstens 8 uur per dag na te sien. Dit sluit middagetes en teetye UIT. Die nasiensentrum sal gedurende die nasienperiode daagliks van 06:00 tot 22:00 toeganklik wees.
7. Die nasientarief vir elke vraestel sal so spoedig moontlik bekend gemaak word. Elke moderator, eksaminator en nasiener wat skrifte nasien en/of modereer, sal ooreenkomstig die Inkomstebelastingwet belas word.
8. Let asseblief daarop dat ALLE aansoeke hierdie kantoor nie later nie as 31 Mei 2004 moet bereik. Aansoeke wat NA die sluitingsdatum ontvang word, sal NIE oorweeg word nie. Aansoeke moet gestuur word aan
HOOF: ONDERWYS WES-KAAP ONDERWYSDEPARTEMENT
PRIVAATSAK X9114 KAAPSTAD 8000
VIR AANDAG: ME. B. CALVERT
9. Dit is noodsaaklik dat prinsipale, OBOS-direkteure en kringbestuurders die inhoud van hierdie eksamenminuut onder die aandag van alle opvoeders, insluitend diegene wat met verlof is, bring. Hierdie Direktoraat aanvaar geen verantwoordelikheid vir opvoeders wat nie betyds oor die inhoud van die eksamenminuut ingelig word nie.
10. Aansoekers moet asseblief hul ete voorkeure op hul aansoekvorms aandui en let dat die departement geen ete voorkeur veranderinge tydens die nasienperiode sal toelaat nie.
11. Aansoekers moet asseblief daarop let dat alle aansoekvorms deur die prinsipaal (in die geval van opvoeders), direkteure of gedelegeerde persone (in die geval van prinsipale, senior kurrikulumbeplanners, hoofkurrikulumbeplanners en kurrikulum-adviseurs) onderteken moet word. Ongetekende vorms sal aan die aansoekers teruggestuur word. Die onus berus op aansoekers om te verseker dat die korrek voltooide aansoekvorm die kantoor voor of op die sluitingsdatum bereik.
12. Erken asseblief ontvangs van hierdie eksamenminuut op die aangehegte vorm wat hierdie kantoor voor 14 Mei 2004 moet bereik.


GETEKEN: A.P. CLAUSEN
HOOF: ONDERWYS
DATUM: 2004:05:03

Lys van vakke  (grootte: 18 KB)
Aansoekvorm  (grootte: 44 KB)
Ontvangserkenning  (grootte: 34 KB)