| 1. |
Die senior sertifikate van suksesvolle kandidate asook die vaksertifikate van onsuksesvolle kandidate vir die November 2003 eksamen word hierby ingesluit vir verspreiding aan die betrokke kandidate wat by u skool/sentrum geregistreer was. |
| 2. |
Alle kandidate is reeds deur middel van die INLIGTINGSBROSJURE VIR SENIOR SERTIFIKAAT- KANDIDATE 2003 [paragraaf 14] verwittig dat hul Senior Sertifikate teen einde Mei 2004 uitgereik sal word en beskikbaar sal wees by hul skool van bywoning. |
| 3. |
Neem asseblief kennis dat kandidate wat vir die Maart 2004 Aanvullingseksamen geregistreer het asook kandidate wie addisionele vakke aangebied het, se sertifikate nie hierby ingesluit is nie. Dié sertifikate sal op ‘n later stadium aan prinsipale voorsien word. |
| 4. |
Geriefshalwe vind ‘n geskandeerde lys van sertifikate soos ontvang vanaf Umalusi. ‘n Lys van alle ingeskrewe kandidate vir die November 2003 eksamen word ook hierby ingesluit sodat prinsipale presies kan vasstel watter kandidate se sertifikate uitstaande is. Enige probleme en uitstaande sertifikate in hierdie besending moet binne 14 werksdae na ontvangs van die besending, skriftelik aan die Departement gerapporteer word. Die WKOD sal geen verantwoordelikheid vir foutiewe sertifikate aanvaar sou daar geen terugvoering binne die 14 dae tydperk ontvang word nie. |
| 5. |
Prinsipale word ook vriendelik versoek om ‘n volledige rekord by te hou van die ontvangserkenning van sertifikate deur die kandidate. Let asseblief daarop dat ‘n persoon wie vir ontvangs van ‘n senior sertifikaat teken, ‘n geldige identiteitsdokument moet toon. |
| 6. |
Alle navrae rakende die senior sertifikate vir bogenoemde eksamen kan telefonies met die volgende beamptes uitgeklaar word:
Mev. M. Pekeur 021 467 2928
Mev. E. Du Toit 021 467 2924
Mnr. G. Valentine 021 467 2927
Mnr. L. Weber 021 467 2926
Mnr. D. Jacobs 021 467 2924 |
| 7. |
U samewerking word hoog op prys gestel. |
GETEKEN: A.P. CLAUSEN
HOOF: ONDERWYS
DATUM: 2004:03:18
|