| 1. |
Aansoeke word ingewag van persone wat kan optree as nasieners of moderatore vir die leerareas (lys van leerareas aangeheg) wat gedurende die Junie en Oktober VBOO vlak 4 eksamen geskryf word. Hierdie persone moet voldoen aan die kriteria in paragraaf 2 hieronder. |
| 2.1 |
Onderwysondervinding: Toepaslike onderwysondervinding, insluitende onderwysondervinding op vlak 4 in die leerarea van toepassing. |
| 2.2 |
Kwalifikasies: 'n Erkende driejarige onderwyskwalifikasie of `n erkende VBOO vlak 4-Dosentsertifikaat |
| 3. |
‘n Aansoeker moet ‘n afsonderlike aansoekvorm voltooi vir elke leerarea waarvoor hy/sy aansoek doen. |
| 4.1 |
Gewaarmerkte afskrifte van kwalifikasies moet die aansoekvorms van alle aansoekers vergesel. |
| 4.2 |
Indien bogemelde dokumente nie ‘n aansoeker se aansoekvorm vergesel nie, sal die aansoek nie oorweeg word nie. Geen uitsondering sal in hierdie verband gemaak word nie en geen korrespondensie sal met aansoekers daaroor gevoer word nie. |
| 5. |
Aansoeke moet ingedien word op die aangehegte, voorgeskrewe aansoekvorm watook verkrygbaar is by:HOOF: ONDERWYS
WKOD-DIREKTORAAT: EKSAMENS
KAMER 4-13
GRAND CENTRAL TOWERS
LAER PARLEMENTSTRAAT
KAAPSTAD
8000
Alle navrae, hetsy telefonies of skriftelik, moet gerig word aan die Direktoraat: Eksamens.
Mnr M Cameron by Tel. 021 467 2964, mnr D Pretorius by Tel. 021 467 2980 of me M.Buys by Tel. 021 467 2993, faks 021 461 5628 of e-pos: Mnr. M Cameron by mgcameron@pgwc.gov.za, Mnr. Dean Pretorius by dpretorius@pgwc.gov.za of Me. M. Buys by mbuys@pgwc.gov.za
Afskrifte mag van die aangehegte vorm gemaak word. Volledig voltooide aansoekvorms moet nie later nie as 19 APRIL 2004 in die besit van die Direktoraat: Eksamens wees. |
| 6. |
Die nasien van eksamenskrifte sal op Maandag 5 Julie 2004 `n aanvang neem en eindig op Vrydag, 9 Julie 2004 vir die Junie-assessering en Maandag, 22 November 2004 tot Vrydag, 26 November 2004 vir die Oktober-assessering. |
| 7. |
Die nasientarief vir elke leerarea sal so spoedig moontlik bekend gemaak word. Elke moderator, en nasiener wat skrifte nasien en/of modereer, sal ooreenkomstig die Inkomstebelastingwet belas word. |
| 8. |
Let asseblief daarop dat ALLE aansoeke hierdie kantoor nie later nie as 19 APRIL 2004 moet bereik. Aansoeke wat NA die sluitingsdatum ontvang word, sal NIE oorweeg word nie. Aansoeke moet gestuur word aan:
| HOOF: ONDERWYS WES-KAAP ONDERWYSDEPARTEMENT PRIVAATSAK X9114 KAAPSTAD 8000 VIR AANDAG:MEV. M.A. BUYS |
|
| 9. |
Dit is noodsaaklik dat prinsipale, OBOS-direkteure en kringbestuurders die inhoud van hierdie omsendminuut onder die aandag bring van alle opvoeders, insluitend diegene wat met verlof is. Hierdie Direktoraat aanvaar geen verantwoordelikheid vir opvoeders wat nie betyds oor die inhoud van die omsendminuut ingelig word nie. |
| 10. |
Aansoekers moet asseblief daarop let dat alle aansoekvorms deur die prinsipaal (in die geval van opvoeders), direkteure of gedelegeerde persone (in die geval van prinsipale, senior kurrikulumbeplanners, hoofkurrikulumbeplanners en kurrikulum-adviseurs) onderteken moet word. Vorms wat nie onderteken is nie sal aan die aansoekers teruggestuur word. Die onus berus op aansoekers om te verseker dat die korrek voltooide aansoekvorm die kantoor voor of op die sluitingsdatum bereik. |
GETEKEN: A.P. CLAUSEN
HOOF: ONDERWYS
DATUM: 2004:03:11
|