1. Aangesien dit ons doel is om 'n betroubare en effektiewe diens te verskaf, vestig die WKOD tans 'n Inbelsentrum ter aanvulling van ons Instapsentrum op die 2de vloer, Grand Central Towers, Laer Parlementstraat, Kaapstad .
2. Die inbelsentrum sal vanaf 15 April 2004 in werking wees.
3. Die Inbelsentrumkomponent, wat alle navrae met betrekking tot personeel en salarisse sal hanteer, sal spesialiseer in hulpverlening aan opvoeders en staatsdiensamptenare oor indiensneming (bv. personeelvoorsiening, aanstellings en diensvoorwaardes) en salarisaangeleenthede (bv. vergoeding en aftrekkings).
4. Die Veiligeskolekomponent van die Inbelsentrum sal
4.1 oproepe rakende die volgende hanteer:
  • Aanranding

  • Bedrog met betrekking tot skoolrapporte

  • Bendegeweld

  • Brandstigting

  • Dwelm- en alkoholmisbruik

  • Inbrake

  • Kapings

  • Lyfstraf

  • Mishandeling van leerders en opvoeders

  • Roof

  • Seksuele teistering en enige ander vorm van mishandeling

  • Skietery

  • Vandalisme

  • Verkragting

4.1 inligting oor die volgende voorsien:
  • Aborsies

  • Alkoholisme

  • Dwelmmisbruik

  • MIV/VIGS

  • Rassisme

  • Tienerswangerskappe

5. Die Inbelsentrum se telefoonommers en diensure is soos volg:
Indiensneming- en salarisnavrae
Telefoonno.: 0861 92 33 22 (of 0861-WCEDCC)
Diensure: Maandag tot Vrydag: 7:45 tot 17:00

Veilige Skole Telefoonno.: 0800 45 46 47 Diensure: Maandag tot Vrydag: 7:45 tot 17:00
6. Persone wat inbel sal enigeen van die drie amptelike tale van die Wes-Kaapprovinsie kan praat en alle oproepe sal vir kwaliteitsversekeringsdoeleindes op band opgeneem word. Die sentrum sal na ure stemboodskapdienste lewer en operateurs sal die daaropvolgende werksdag reageer op boodskappe wat op band opgeneem is.
7. Bring asseblief die inhoud van hierdie omsendbrief onder die aandag van alle personeel onder u beheer.


GETEKEN: B.K. SCHREUDER
HOOF: ONDERWYS
DATUM: 2004:04:07