1. Skole word by voorbaat bedank vir hulle deelname aan die oefening om Gemeenskaplike Take vir Assessering (GTA's) te administreer en te assesseer.
2. Die GTA's is nie die summatiewe eksaminering van die werk wat in die loop van die jaar voltooi is nie. Hulle is bedoel om leeruitkomste te toets wat aangespreek moes gewees het en om vas te stel of leerders wel hierdie leeruitkomste bereik het.
3. Vir die afgelope drie jaar is die GTA's op nasionale vlak opgestel, as deel van die proses om standaarde te stel en met die ontwikkelingsproses ondersteuning te bied aan onderwysers soos hulle hulle weg deur die nuwe kurrikulum vind. Die GTA's van vorige jare word as't ware by baie skole gebruik as riglyn vir die formaat van assessering in hulle deurlopende assesseringsprogramme.
4. Die opstel van die GTA's op nasionale vlak om 'n gemeenskaplike standaard oor die hele land te ontwikkel, was 'n baie moeilike proses en het uitgeloop op GTA's wat nie altyd voldoen het aan die hoë standaarde wat met die Senior Sertifikaat-eksamens geassossieer word nie, waar mense betaal word om dit op te stel en wat streng beheer word deur 'n klein groepie mense wat in staat is om aan algemeen aanvaarde standaarde vir daardie vlak te voldoen. Dit word voorsien dat die GTA's met verloop van tyd provinsiaal opgestel gaan word. Wanneer dit eers gebeur het, sal spanne onderwysers deel van die proses word.
5. Skole sal ingelig word aangaande die besonderhede van die 2005-GTA's, sodra hulle van die Departement van Onderwys ontvang is.
6. Bring asseblief die inhoud van hierdie minuut onder die aandag van almal betrokke.
7. Navrae in hierdie opsig kan gerig word aan die OBOS-direkteure, Hoof Kurrikulumadviseurs en Assesseringskoördineerders.


GETEKEN: J.P. RAULT-SMITH
HOOF: ONDERWYS
DATUM: 2004:12:02