1. Tydens 'n onlangse bekendstellingsgeleentheid wat in Kaapstad deur die nasionale Departement van Onderwys aangebied is, is by wyse van 'n uitdeelstuk van 30 September 2004 aangekondig dat die bestaande leervelde waarna daar op bladsy 10 van die Nasionale Kurrikulumverklaringoorsig Graad 10 - 12 (Algemeen) verwys word, gewysig is.
2. Die onderstaande tabel verskaf meer inligting aangaande die wysiging tot die leervelde en die hergroepering van vakke:
LEERVELDVAKKE
LandbouwetenskapLandbouwetenskap, Landboubestuurspraktyke en Landboutegnologie
Kuns en KultuurDansstudies, Ontwerp, Dramatiese Kunste, Musiek en Visuele Kunste
Handels-, Nywerheids- en BestuurstudiesRekeningkunde, Bedryfstudies en Ekonomie
Tale11 Amptelike tale (Huistaal en Eerste Addisionele Taal), 11 Amptelike Tale (Tweede Addisionele Taal), 13 Nie-amptelike Tale: Arabies, Frans, Duits, Gujarati, Hebreeus, Hindi, Italiaans, Latyn, Portugees, Spaans, Tamil, Telegu and Oerdoe
Vervaardiging, Ingenieurswese en TegnologieTegnologie Elektries, Ingenieursgrafika en -ontwerp, Tegnologie Meganies en Tegnologie Siviel
Menslike- en Sosiale WetenskappeAardrykskunde, Geskiedenis, Lewensoriëntering en Godsdiensstudies
Fisiese, Wiskundige, Rekenaar- en LewenswetenskappeRekenaartoepassingstegnologie, Inligtingstegnologie, Lewenswetenskappe, Wiskundige Geletterdheid, Wiskunde en Natuur- en Skeikunde
DiensteVerbruikerstudies, Gasvryheidstudies en Toerisme
3. Daar moet egter daarop gelet word dat die wysiging van die leervelde en die hergroepering van die vakke nog nie tot beleid verklaar is nie. 'n Verklaring in hierdie verband sal mettertyd uitgereik word.


GETEKEN: J.P. RAULT-SMITH
HOOF: ONDERWYS
DATUM: 2004:12:02