1. Die nasionale Minister van Onderwys het tydens die vergadering van die Raad van Onderwysministers van 20 September 2004 bevestig dat die Nasionale Kurrikulumverklarings (NKV's) vir Verdere Onderwys en Opleiding (VOO) in graad 10 geïmplementeer sal word vanaf Januarie 2006, graad 11 volg in 2007 en graad 12 in 2008.
2. Die opleiding van alle VOO-onderwysers in kurrikulumontwerp en in die beginsels onderliggend aan die NKV's sal behartig word deur 'n provinsiale kernopleidingspan wat deur 'n nasionale kernopleidingspan opgelei sal word. OBOS'e sal alle skole inlig omtrent die datums en vergaderplekke vir opleiding sodra dit gefinaliseer is.
3. Alle VOO-vakonderwysers is genooi om klustergeoriënteerde vakomvangwerkswinkels wat in die derde en vierde kwartale deur die OBOS'e aangebied is, by te woon. Onderwysers wat dit bygewoon het, het vakriglyne vir twee vakke ontvang Die meer omvattende Vakinligtingsriglyne verskaf 'n oorsig van die NKV en som die sleuteleienskappe daarvan op. Hierdie gids moet gebruik word om die vakverklaring sowel as die skakels met die VOO se NKV-oorsigbeleid en met die Kwalifikasie-en Assesseringsbeleid te verstaan. Die tweede vakriglyn, Analysis of new subject knowledge, skills, methodology, IT and assessment requirements according to learning outcomes, verskaf 'n kort, dog omvattende gids tot die nuwe vakinhoud, inligting en kommunikasietegnologie (IKT) en assesseringsvereistes.
4. Onderwysers word aangeraai om hierdie riglyne te bestudeer as voorbereiding vir die 2005 VOO se NKV-opleiding. Die riglyne sal onderwysers vertroud maak met die nuwe vakinhoud en enige behoefte aan verbetering van vaardighede en/of nuwe vaardighede in IKT openbaar.
5. Die WKOD is tans betrokke by die seleksie, in samewerking met hoër onderwysinstellings, van 'n verskeidenheid geakkrediteerde en nie-geakkrediteerde VOO kurrikulumgebaseerde kursusse en modules vir die Gevorderde Onderwyssertifikaat. Wanneer dit voltooi is, sal 'n lys van die kursusse wat beskikbaar is aan alle skole verskaf word en sal dit op die Kurrikulum-webtuiste geplaas word.
6. Om onderwysers by te staan met die begeleiding van leerders in graad 9 om ingeligte vak- en loopbaankeuses te maak, het die Direktoraat Kurrikulumontwikkeling, in samewerking met die OBOS'e die PACE-opleidingsprogram vir graad 9 en 10 Lewensoriëntering-onderwysers voltooi. Alle deelnemende skole het 'n elektroniese weergawe van die program ontvang.
7. 'n Ander onderwyserondersteuningstrategie waarby die Direktoraat Kurrikulumontwikkeling tans betrokke is, fokus op die ontwikkeling van 'n e-kurrikulum vir VOO, via vakportale. Hierdie vakwebtuistes verskaf aan onderwysers direkte toegang tot senior kurrikulumbeplanners te Hoofkantoor en tot kurrikulumadviseurs in die OBOS'e. Onderwysers sal dus deel kan word van 'n provinsiale praktiserende gemeenskap en sal gereeld vaknuus en -inligting ontvang. Onderwysers sal ook in staat wees om na te dink oor wat in hulle skole plaasvind, sal saam met kollegas aan die vorming en verstaan van die kurrikulum en idees deelneem, en leerprogramme, lesplanne, ens ontwikkel en deel. Baie bruikbare skakels sal ook gevorm word met bronne soos Edulis, Edumedia en Eksamens.
8. Intensiewe werk is ook aan die gang in die Direktoraat Kurrikulumontwikkeling oor die implementering van digitale (IKT-) ondersteuning vir skole. Vakke wat die gebruik van rekenaars benodig om leeruitkomste te bereik, is geïdentifiseer. Feitlik alle ander vakke het egter gebaat by die gebruik van rekenaars om inligting van die Internet te verkry. 'n Omsendminuut in hierdie verband sal eersdaags aan skole gestuur word. Daarbenewens word 'n lys van aanbevole programmatuur saamgestel om skole te help met die seleksie van programmatuur ter ondersteuning van NKV-vakke, terwyl 'n databasis geskep word om toegang te verskaf aan 'n wye reeks dokumente..
9. Skole moes nou al hulle vakkeuses vir VOO NKV gemaak het, onder beskerming van hulle OBOS'e. Hierdie inligting is 'n voorwaarde vir die ontdekking van kurrikulumbehoeftes van die distrik en vir die verskaffing van onderwyseropleiding en -ontwikkeling. Kringbestuurders is opgelei om skole by te staan in hierdie baie belangrike proses.
10. Khanya is besig om alle skole wat VOO NKV sal aanbied toe te rus met ten minste een rekenaarlaboratorium met 25 werkstasies. Daarmee saam sal Khanya-personeel geskikte rekenaargeletterdheidsopleiding aan alle onderwysers na hulle behoeftes verskaf. Hierdie proses sal in April 2006 voltooi wees.


GETEKEN: J.P. RAULT-SMITH
HOOF: ONDERWYS
DATUM: 2004:11:11