1. Van 6 tot 8 Oktober 2004 het UMALUSI-moderatore die graad 12-opvoeder- en leerderportefeuljes vir Rekeningkunde en Aardrykskunde van ’n reeks skole binne die OBOS'e Metropool-Oos en Suid-Kaap/Karoo gemodereer met die doel om
1.1 die geskiktheid en standaard van die assesseringstake
1.2 die mate waartoe standaardisering dwarsdeur die Wes-Kaap verseker is
1.3 die betroubaarheid en geldigheid van die assessering, te bepaal.
2. ’n Vergadering waartydens deurlopende assessering en modereringsbeleide en -prosedures bespreek is met die amptenare wat vir die twee vakke verantwoordelik is, het voor die moderering plaasgevind. Tydens die vergadering na die moderering het UMALUSI sy dankbaarheid uitgespreek teenoor alle opvoeders en amptenare betrokke by die onderrig van hierdie vakke en hulle gelukgewens met die voorlegging van portefeuljes van 'n hoë en professionele standaard.
3. 'n Uitvoerige verslag van UMALUSI se bevindings word mettertyd beskikbaar gestel en ’n volledige verslag oor die hele modereringsproses dwarsdeur die provinsie sal vroeg in volgende jaar voorsien word.


GETEKEN: J.P. RAULT-SMITH
HOOF: ONDERWYS
DATUM: 2004:10:25