1. Die moderering van die Deurlopende Assessering (DASS) en die projekte vir Rekenaarstudie sal soos volg gedoen word:

1.1 STANDAARDGRAAD

Moderering sal gedurende Oktober en vroeg in November by skole, asook in klusters, gedoen word. Mnr Patrick Frans is vir hierdie doel gesekondeer, en sal die toepaslike opleiding van mnr Mike Chiles ontvang.

1.2 HOËRGRAAD

Moderering sal gedurende November by skole, asook in klusters, gedoen word. Mnr Frans Kersop, Kurrikulumadviseur verbonde aan die OBOS Breederivier/Overberg sal saam met mnr Max Brock, wat vir hierdie taak gesekondeer is, die moderering doen. Albei sal die toepaslike opleiding van mnr Mike Chiles ontvang.

2. Moderatore sal skole afsonderlik van die reëlings inlig.


GETEKEN: J.P. RAULT-SMITH
HOOF: ONDERWYS
DATUM: 2004:10:08