| 1. |
Ingevolge die moniteringsprotokol van 2003 wat op beide die Senior Sertifikaat- en die BOOV-vlak 4-eksamens van toepassing is, sal laasgenoemde eksamens weer vanjaar as deel van die kwaliteitsversekeringsverantwoordelikhede van die Departement van Onderwys gemonitor word. |
| 2. |
OBOS-direkteure moet die verantwoordelikheid vir die monitering van die BOOV-eksamens delegeer aan spanne wat uit drie amptenare bestaan. Hierdie spanne moet gebruik maak van die ABET M2A-moniteringsinstrument wat deur UMALUSI voorsien is. |
| 3. |
Gedurende die eksamentydperk moet die moniteringspan ten minste twee BOOV-sentrums per week besoek (d.w.s. 'n totaal van 6 besoeke) en op 12 Oktober, 19 Oktober en 26 Oktober 2004 verslag lewer aan die gedelegeerde OBOS-assesseringsverteenwoordiger. |
| 4. |
Die OBOS-assesseringsverteenwoordiger moet die standaard verslagformaat gebruik om die moniteringspan se verslae saam te vat. Hierdie samevattings moet op 13 Oktober, 20 Oktober en 27 Oktober 2004 aan die Eksamenmoniteringskoördineerder (Mnr TJ Magwaca) gestuur word. Provinsiale verslae sal elke week aan UMALUSI gestuur word en dus is dit uiters belangrik dat OBOS-verslae Hoofkantoor sonder versuim moet bereik. |
| 5. |
Afgesien van die intensiewe monitering wat vir UMALUSI gedoen word, moet OBOS'e die ABET M2B-instrument gebruik om minstens 50% van alle sentrums waar die BOOV-eksamens geskryf word, te monitor. Hierdie instrument kan gebruik word deur alle ander amptenare wat BOOV-eksamensentrums besoek. |
GETEKEN: J.P. RAULT-SMITH
HOOF: ONDERWYS
DATUM: 2004:09:22
|