| 1. |
Die Algemene Onderwys-en-opleidingsband (AOO) voorsien die basis vir alle menslikehulpbronontwikkeling in die provinsie, terwyl die Verdere Onderwys-en-opleidingsband (VOO) geleenthede voorsien vir die verdere ontwikkeling van spesifieke vaardighede en kennis wat vir indiensneming en ekonomiese deelname benodig word. |
| 2. |
Data oor onderwysvlakke in die Wes-Kaap dui egter daarop dat 'n groot aantal leerders nie in die stelsel behou word vir meer as nege jaar nie. Ondersteuningstelsels en -programme moet dus ontwikkel word om die deurvoerkoers van leerders te verbeter en hulle op 'n meer doeltreffende wyse leiding te gee in verband met verdere leer- en indiensnemingsgeleenthede. |
| 3. |
Ten einde dit te bereik, sal een van die strategieë van die Wes-Kaap Onderwysdepartement (WKOD) wees om die vaardighede en aanleg van alle graad 8-leerders te toets. Die resultate sal bepaal watter vakke hulle moet kies en selfs by watter inrigting, bv. skool of VOO-kollege, hulle hulle studies vir die VOOS moet voortsit. |
| 4. |
Ter ondersteuning van hierdie inisiatief word daar tans kursusse van een- en 'n halfdag gereël vir alle opvoeders wat verantwoordelik is vir Lewensoriëntering in hoërskole. By hierdie kursusse sal een AOO- en een VOO-opvoeder opgelei word die gebruik van die nasionaal goedgekeurde PACE-program vir loopbaanvoorligting en die toepaslike materiaal vir die implementering van die program ontvang. Die volle opleiding sal oor 'n tydperk van drie jaar geskied. |
| 5. |
As inleiding tot die opleiding word een van die benoemde opvoeders uitgenooi na 'n spesiale funksie wat op Donderdag 5 Februarie 2004 deur die organiseerders van die Careers and Training Expo by die Baxterteater aangebied word. Die WKOD sal opvoeders vir hulle reisuitgawes vergoed. |
| 6. |
Die PACE-program is beskikbaar in beide elektroniese and gedrukte weergawes. Die elektroniese weergawe sal uitgereik word aan alle skole met toepaslike rekenaarfasiliteite. Die inhoud van die program is ontwerp om te voldoen aan die leeruitkomste soos gespesifiseer in die Lewensoriënteringleerarea. Die doel is om te verseker dat elke leerder beskik oor 'n portefeulje met bewyse van sy of haar prestasies ter voorbereiding vir VOO of die werkplek. |
| 7. |
HPCSA (Health Professions Council of South Africa) het die program geëvalueer en beveel aan dat dit kwalitatief deur slegs opgeleide en kundige persone gebruik word. Daarom mag slegs opvoeders wat opgelei is in die PACE-program die assessering- van-leerderbelangstellingsvraelys administreer. |
| 8. |
Alle reis-en spysenieringsuitgawes vir hierdie opleidingskursusse sal deur die WKOD betaal word en skole sal ingelig word oor die datums en plekke so gou as wat 'n besluit daaroor geneem is. Opvoeders wat die sessies bywoon, sal kan voortbou op die aanvanklike opleiding ten einde krediete op NKR-vlak 5 en 6 te akkumuleer. |
| 9. |
Hoofde van alle hoërskole word versoek om die aangehegte vraelys te voltooi en te besorg aan die Opleidingsprojekbestuurder, me BJ Prince, Senior Kurrikulumbeplanner (Lewensoriëntering en Lewensvaardighede: VOO) te Hoofkantoor deur dit te pos, óf te faks 021 4672 258 óf per e-pos aan Brenda Prince by bprince@pgwc.gov.za teen nie later nie as 31 Januarie 2004. |
GETEKEN: J. RAULT-SMITH
HOOF: ONDERWYS
DATUM: 2004:01:15
|