1. Dit is die verantwoordelikheid van die Direktoraat: Kurrikulumontwikkeling om geskikte persone vir aanstelling as eksaminatore vir alle vakke vir die Senior Sertifikaat-eksamen by die Onderwyshoof aan te beveel. Dit sluit in die praktiese komponente van vakke soos Musiek, Kuns, Dans en Spraak- en Drama.
2. Die moderering van die jaar se praktiese werk, deurlopende assessering en mondeling in skole, is egter die verantwoordelikheid van Kurrikulumadviseurs by OBOS'e en in die lig hiervan word OBOS'e nie toegelaat om persone as mede-eksaminatore vir enige vak van die Senior Sertifikaat-eksamen aan te stel nie.
3. Indien ’n OBOS die dienste van ’n eksaminator vir ’n praktiese eksamen benodig, kan die Direkteur die besonderhede van die eksamenvereistes aan die Direkteur: Kurrikulumontwikkeling stuur en versoek dat 'n persoon aangestel word om die eksamen af te neem. Die OBOS kan wel ’n geskikte persoon met toepaslike ondervinding aanbeveel, in welke geval volle besonderhede aan die Direkteur: Kurrikulumontwikkeling verskaf moet word. Om die ontwikkeling van die toepaslike kriteria te verseker, sal laasgenoemde toesien dat die betrokke eksaminator by ’n standaardbepalingsoefening betrek word.


GETEKEN: J.P. RAULT-SMITH
HOOF: ONDERWYS
DATUM: 2004:08:26