| 1. |
Die WKOD bedank graag alle prinsipale en onderwysers wat gedurende die vakansie tyd afgestaan het om opleiding oor die Hersiene Nasionale Kurrikulumverklaring (HNKV) by te woon. Hierdie opleiding het aan onderwysers die geleentheid gebied om te begin met die beplanning van Leerprogramme vir die drie grade van die Intermediêre Fase (Graad 4 tot 6). |
| 2. |
Prinsipale word versoek om onderwysers aan te moedig om voort te gaan met die beplanning van Leerprogramme vir 2005 op tye en wyses wat inpas by die skool se oorhoofse program van aktiwiteite. |
| 3. |
Om die WKOD in staat te stel om hierdie deurlopende beplanningsproses te steun, moet Konsepleerprogramme, of ten minste 'n plan wat aandui hoe die planne teen einde Oktober voltooi sal word, teen nie later nie as 10 September 2004 by die Hoofkurrikulumadviseur van die betrokke OBOS ingedien word. |
| 4. |
Die WKOD-HNKV-tabelle vir beplanning (Afrikaans en Engels) kan nou afgelaai word van Revised National Curriculum website (http://curriculum.wcape.school.za/site/104/page/view/). Klik op 'Policies…' en rol af na 'Learning support'. Hierdie tabelle is ook op CD beskikbaar van Edumedia by 021 689 9536. |
| 5. |
Skole sal in September voorsien word van voorbeelde van Leerprogramme vir Tale en Wiskunde. |
GETEKEN: M.J. CAMERON
HOOF: ONDERWYS
DATUM: 2004:08:06
|