| 1. |
In die afgelope drie jaar het die Wes-Kaap Onderwysdepartement (WKOD) skole vereer wat uitstekende uitslae in die Senior Sertifikaat-eksamen behaal het en/of hulle Senior Sertifikaat-uitslae verbeter het. |
| 2. |
Aangesien 'n onaanvaarbare aantal leerders die skool verlaat voordat hulle 'n kwalifikasie behaal, het die fokus van die toekennings verskuif van skole wat 'n 100% slaagsyfer behaal na skole wat aan 'n toenemende getal leerders die geleentheid bied om 'n Senior Sertifikaat en 'n endossement op die sertifikaat te behaal. |
| 3. |
Die volgende tabel gee 'n opsomming van die Senior Sertifikaat-uitslae van 1999 tot 2003.
| OPSOMMING VAN SENIOR SERTIFIKAAT-UITSLAE 1999 TOT 2003 |
| JAAR | 1999 | 2000 | 2001 | 2002 | 2003 |
| KATEGORIE | Voltydse
TOTAAL | Voltydse
TOTAAL | Voltydse
TOTAAL | Voltydse
TOTAAL | Voltydse
TOTAAL |
| Getal kandidate wat die volle stel eksamens geskryf het | 37 199 | 37 818 | 37 559 | 38 117 | 38 750 |
| Getal wat 'n Senior Sertifikaat verwerf het | 29 303 | 30 489 | 31 049 | 32 985 | 33 769 |
| Senior Sertifikaat met matrikulasievrystelling (getal en % van totale getal kandidate) | 9 090
24,4% | 9 235
24,4% | 9 378
25,0% | 10 118
26,5% | 10 323
26,6% |
| Getal en persentasie van totale getal kandidate wat met verdienste geslaag het (gemiddeld 1260 - 1679) | - | - | 6 024
16,0% | 6 736
17,7% | 7 005
18,1% |
| Persentasie slaagkoers | 78,8% | 80,6% | 82,7% | 86,5% | 87,4% |
|
| 4. |
Terwyl die getal leerders wat 'n Senior Sertifikaat in Wes-Kaapse skole verwerf sedert 1998 toegeneem het, baar die koers van toename sorg. Die 2004-inskrywings vir die Senior Sertifikaat-eksamen toon dat slegs 'n klein aantal skole meer graad 12-leerders het as in 2003 en dat daar nie 'n toename in die aantal endossementkandidate is nie. |
| 5. |
Prinsipale word dus aangespoor om te oorweeg hoe hulle nie alleen die aantal leerders in graad 12 kan laat toeneem nie, maar ook die aantal leerders wat 'n graad 12-kursus volg wat hulle in staat sal stel om 'n endossement op hulle Senior Sertifikate te verkry, en so 'n bydrae te lewer tot die mensehulpbronontwikkeling van die land. |
| 6. |
Vir 2004 het die WKOD het dus gekies om erkenning te gee aan vordering of volgehoue prestasie terwyl graad 12-inskrywingsvlakke gehandhaaf of verhoog word. Aangesien dit ons voorneme is om te verseker dat leerders tot graad 12 voortgaan, sal leerdergetalle in graad 8 tot 11 oor die vorige vier jaar nagespoor word. Alle skole (insluitend onafhanklike skole) wat kandidate inskryf vir die Senior Sertifikaat-eksamen van die WKOD sal in aanmerking kom vir toekennings. Verder, omdat skole onder baie verskillende omstandighede funksioneer en met leerders afkomstig van baie verskillende agtergronde werk, het die WKOD kategorieë ingestel wat hierdie verskille in ag neem en van toepassing is op die driejaartydperk van 2002 tot 2004. In 2004 sal die toekennings dus soos volg gemaak word: |
| 6.1 |
Kategorie 1: Voortreflikheid in Akademiese Prestasie
Kategorie 1a - Voortreflikheid van resultate binne die konteks waarin die skool funksioneer
Aan tien skole waar die akademiese prestasie volgehoue verdienstelike resultate (verwys na par. 7) gelewer het relatief tot die konteks waarbinne die skole funksioneer (verwys na par. 7), terwyl inskrywingsvlakke van voltydse kandidate in graad 12 volgehou is of toegeneem het.
Kategorie 1b - Voortreflikheid n.a.v. 'n stel gegewe kriteria
Aan alle skole wat voortreflike akademiese resultate behaal het. Die minimum kriteria waaraan voldoen moet word, is
'n slaaggemiddelde van ten minste 95% EN 'n matrikulasie-endossementkoers van meer as 75% EN 'n verdienstelike slaagsyfer van ten minste 60%.
|
| 6.2 |
Kategorie 2: Verbetering in Senior Sertifikaat-uitslae en aantal suksesvolle kandidate
Kategorie 2a - Verbetering in aantal leerders wat tot graad 12 vorder
Aan tien skole waar die retensiekoers (verwys na par. 7) konsekwent die grootste verbetering getoon het.
Kategorie 2b - Verbetering in die Matrikulasie-endossementkoers
Aan daardie vyf skole waar die matrikulasie-endossementkoers konsekwent die grootste verbetering getoon het, terwyl inskrywingsvlakke van voltydse kandidate in graad 12 gehandhaaf is of toegeneem het.
Kategorie 2c - Verbetering in Senior Sertifikaat-slaagkoers
Aan daardie vyf skole waar die Senior Sertifikaat-slaagkoers konsekwent die grootste verbetering getoon het, terwyl inskrywingsvlakke van voltydse kandidate in graad 12 gehandhaaf is of toegeneem het.
|
| 6.3 |
Indien enige skole op 'n besonder verdienstelike vlak presteer op 'n gebied wat nie deur bogenoemde kriteria gedek word nie, sal 'n spesiale toekenning deur die Onderwyshoof gemaak word. |
| 7. |
Die volgende is omskrywings van sekere terme wat in bogenoemde paragraaf 6 gebruik is:
verdienstelike resultate: gebaseer op 'n geweegde indeks wat beide die getal en die persentasie van suksesvolle kandidate en endossemente in die Senior Sertifikaat-eksamen sal insluit konteks waarbinne elke skool funksioneer: gebaseer op die jaarlikse skoolgeld wat die skool in 2003 gehef het retensiekoers: bereken deur die getal kandidate wat die Senior Sertifikaat-eksamen in 2004 geslaag het as 'n persentasie van die graad 8-inskrywing vir dieselfde skool in 2000 uit te druk, dié wat graad 12 in 2003 geslaag het as 'n persentasie van graad 8-inskrywing in 1999, ens.
|
GETEKEN: J.P. RAULT-SMITH
HOOF: ONDERWYS
DATUM: 2004:07:30
|