1. Hierdie kurrikulumminuut is aanvullend tot Omsendbrief 0016/2004 van 11 Maart 2004.
2. Deelnemers aan die HNKV-opleidingskursusse moet daaraan herinner word om kopieë van die HNKV-dokumente na die bogemelde sessies saam te bring (verwys na par. 3.2 van bogenoemde omsendbrief). Skoolhoofde, lede van skoolbestuurspanne (SBS'e) en Intermediêrefase-onderwysers moet hulle vooraf vergewis van die inhoud van hierdie dokumente ten einde die maksimum voordeel uit die sessies te trek.
3. Daarbenewens moet deelnemers versoek word om ten minste een kopie per skool van elk van die volgende beleidsdokumente wat aan skole gestuur is, met hulle saam te bring:

  • Policy Handbook for Educators - ELRC 2003

  • Onderwyswitskrif 6: Spesiale Onderwys, Julie 2001

  • Nasionale Beleid oor Godsdiens en Onderwys, 11 September 2003

  • Taal-in-onderwys-beleid, 14 Julie 1997

  • Algemene Onderwys-en-opleidingassesseringsriglyne (WKOD, Nov. 2003)

  • Onderwysersgids vir die Ontwikkeling van Leerprogramme (alle leerareas)

  • Hierdie dokumente word direk deur die Nasionale Departement van Onderwys aan skole gestuur.

  • HNKV-leerarea: Intermediêre Fase: Graad 4-6-hulpbronmateriaal: 2004, WKOD
4. Prinsipale word daaraan herinner dat hulle aangemoedig is om hulle hele Intermediêre Fase-onderwyserkomplementspan na dieselfde kursus te stuur. Die voordeel vir die skool sal wees dat byna twee dae van beplanning by die kursus gedoen sal word en dit sal aan onderwysers ‘n voorsprong gee in die beplanning vir 2005 ten opsigte van Intermediêre Fase-leerprogramme per graad vir die skool. Sertifikate sal uitgereik word vir volle bywoning van die HNKV-kursus.
5. Skole word aangeraai om aanvaarding van hulle registrasie met hulle OBOS te bevestig aangesien daar by etlike sessies oorvoltekening was. Aangesien hierdie toestand nie bevorderlik is vir goeie opleiding en interaksie nie, het OBOS'e reëlings getref dat smmmige deelnemers na Week 2 skuif. As logistieke reëlings eers gefinaliseer is, sal die lokale nie in staat sal wees om nie-geregistreerde of addisionele deelnemers te akkommodeer nie. As 'n opvoeder vir 'n kursus geregistreer het, maar dit nie bywoon nie, sal die koste van die maaltye van die betrokke skool gevorder word.
6. SBS'e moet tyd opsy sit vir alle Intermediêre Fase-onderwysers in die skool om vir ten minste drie dae (± 24 uur) voor einde van Augustus byeen te kom vir gesamentlike beplanning en interaksie ten einde te verseker dat onderwysers gereed sal wees vir die implementering van die HNKV in Januarie 2005. SBS'e moet hierdie en toekomstige beplanningstye op so ‘n wyse reël dat die konteks en behoeftes van die skool geakkommodeer word en onderrig en leer nie ontwrig word nie.
7. Die samewerking van alle SBS'e en Intermediêre Fase-onderwysers in bogemelde verband sal hoog op prys gestel word en sal die suksesvolle implementering van die HNKV in die Intermediêre Fase in 2005 verseker.


GETEKEN: P.A. VINJEVOLD
HOOF: ONDERWYS
DATUM: 2004:06:29