1. In 2003 het die Wes-Kaap Onderwysdepartement (WKOD), tot steun van sy Geletterdheidstrategie en die implementering van die Hersiene Nasionale Kurrikulumverklaring (HNKV), pakke van 100 leesboeke aan Grondslagfaseklasse voorsien.
2. In die derde kwartaal van 2004, ter ondersteuning van die bekendstelling van die HNKV in die Intermediêre Fase en ter voortgesette ondersteuning van die Geletterdheidstrategie, sal die WKOD elke skool voorsien van een pak van 100 leesboeke per Intermediêre Fase-klas van leerders, toegeken in ooreenstemming met die getal klasse, taal en getoetste leesvlakke in die skool. Hierdie veeltalige pakke is saamgestel deur fase-, lees- en taalkundiges en bevat boeke vir verskillende leesvlakke.
3. Die boeke sal aan skole voorsien word deur dieselfde boekverskaffer wat die Grondslagfase 100+ Boeke voorsien het. Indien 'n skool egter vir hierdie Intermediêre Fase 100+ Boekeprojek van boekverskaffer wil verander, moet die WKOD daarvan in kennis gestel word. Skole wat nie betyds die kennisgewing in Junie ontvang het nie, kan die aangehegte Bylae A gebruik om 'n verandering in boekverskaffer aan te dui. Die voltooide Bylae A moet dan teen nie later nie as 23 Julie 2004 op een van die volgende wyses by die WKOD ingedien word:

Faks: 021 467 2620 of 021 467 2258 of as 'n e-pos-aanhangsel met die onderwerphofie BYLAE A na curriculum by curr1@pgwc.gov.za

Let wel: Bylae A moet slegs ingedien word as 'n skool van boekverskaffer wil verander.

4. Hierdie projek raak nie die norme-en-standaardefinansiering nie, aangesien skole die boeke addisioneel tot die gewone LOM-toekennings ontvang.
5. Elke pak sal 'n lys van die titels wat van boekverskaffers bestel is, insluit. Prinsipale moet toesig hou oor die bestuur van hierdie boeke en daar word van hulle verwag om op
  • die faktuur te sertifiseer dat die aflewering ontvang is

  • 'n afskrif van die gesertifiseerde faktuur en lyste te maak

  • 'n afskrif van elke lys vir inventarisdoeleindes aan die betrokke onderwyser te voorsien

  • die oorspronklike gesertifiseerde faktuur onmiddellik te stuur aan

    Me L Stafford
    Kamer 8 09 Grand Central Towers
    Laer Pleinstraat
    KAAPSTAD
    8001

6. Skoolbestuurspanne (SBS'e) en onderwysers is tydens HNKV-opleiding georiënteer in die Intermediêre Fase 100+ boekeprojek, en skole sal mettertyd ingelig word oor spesifieke opleiding vir hierdie projek.
7. Vir verdere raad of inligting, tree asseblief in verbinding met die betrokke OBOS-geletterdheidskoördineerder:
Sentraal:                Mnr. G Davids       021 659 4423
Oos:                     Me. K Mabandla      021 900 7014
Noord:                   Me. J. Caroto       021 938 3018
Suid:                    Me. J Leukes        021 370 2044
                         Me. S Slingers      021 374 4107
                         Me. M Kwinana       021 372 2770 
Breederivier/Overberg:   Me. M Siddle        082 896 1043
Suid-Kaap/Karoo:         Me. C du Plessis    083 278 5043 
Weskus/Wynland:          Me. J Baatjes       082 374 5759
                         Me. F Lawrence      021 860 1200
                         Mnr. R Cornelissen  083 642 1618
8. Dit verskaf aan die WKOD groot plesier om hierdie bydrae tot geletterdheids-ontwikkeling in die provinsie te maak en ons vertrou dat skole hierdie geleentheid ten volle sal benut deur die boeke in die nuwe jaar met entoesiasme te gebruik.


GETEKEN: P.A. VINJEVOLD
HOOF: ONDERWYS
DATUM: 2004:07:14

Bylae A  (grootte: 6 KB)