| 1. |
Die Universiteit van Stellenbosch (US), in samewerking met die Wes-Kaap Onderwysdepartement (WKOD) en die World Population Foundation (WPF), het 'n CD-Rom Lewensoriënteringsinligtingspakket ontwikkel wat ook in sigkopieformaat beskikbaar is. Die program is ontwerp om ooreen te stem met die nuwe VOO-lewensoriënteringsleeruitkomste vir graad 10 tot 12, wat vanaf 2006 geïmplementeer sal word. Hierdie program bevorder kennis, vaardighede, waardes en gesindhede wat leerders in staat sal stel om op effektiewe en verantwoordelike wyse te reageer op die uitdagings van die lewe. |
| 2. |
U skool is gekeur om deel te neem aan die loodsstudie vir die navorsing wat reeds goedgekeur is deur die WKOD Direktoraat: Navorsing (kyk Bylae B) en US se etiese komitee. |
| 3. |
Soos ooreengekom tydens die konferensie van 31 Maart tot 3 April 2004, sal die loodsstudie tussen 21 Julie 2004 en 23 September 2004 onderneem word. Die nodige reëlings sal ten minste een week voor die tyd met u skool getref word. |
| 4. |
Die materiale (CD-Rom, handleiding vir opvoeders, werkboek vir leerders en video vir ouers) sal op 30 Junie 2004 per koerier aan die lewensoriënteringopvoeders by die betrokke skole gestuur word. |
| 5. |
Prinsipale van gekeurde hoërskole word versoek om die aangehegte Bylae A te voltooi en teen nie later nie as 30 Junie 2004 by die projek se administratiewe beampte, me DM Conradie (adres op bylae), in te dien. |
| 6. |
U samewerking sal waardeer word. |
GETEKEN: J.P. RAULT-SMITH
HOOF: ONDERWYS
DATUM: 2004:06:17
|