| 1. |
Die afskrifte vir die promosie van die Nasionale Kurrikulumverklaring (NKV) se Verdere -onderwys-en -opleidingsband (VOO-band) wat die "Oorsig", die Beleidsraamwerk vir Kwalifikasies en Assessering vir graad 10 - 12 (Algemeen) en individuele dokumente vir 21 vakke is na alle hoër, gekombineerde en intermediêre skole gestuur. |
| 2. |
Skole wat nog nie hierdie dokumente ontvang het nie word vriendelik versoek om die Hoof- kurrikulumadviseur by hulle plaaslike OBOS te skakel. |
| 3. |
Op hierdie stadium is die dokumente net in Engels beskikbaar. Vakverklarings vir Tegnologie: Elektries, Siviel en Meganies; Ingenieurswese; en Religieuse Studies is nog nie voltooi nie. |
| 4. |
WKOD-beamptes en taalkundiges is besig met die ontwikkeling van die vakverklarings vir nieamptelike of vreemde tale, soos Duits, Frans, Latyn en Arabies. Hierdie vakverklarings sal later vanjaar beskikbaar wees saam met verdere besonderhede oor hoe hulle geadministreer sal word. |
| 5. |
NKV:VOO-vakoriëntasiewerkswinkels sal in die derde kwartaal gehou word. Die werkswinkels sal aangebied word deur OBOS-kurrikulumadviseurs en senior kurrikulumadviseurs vanaf Hoofkantoor. Hulle sal die vakverklaring soos gepubliseer in die Government Gazette 25545 (Notice 1407) [grootte: 211 KB] Staatskoerant 25545 (Kennisgewing 1407) van 6 Oktober 2003 ontleed. Die verwagting is dat hierdie werkswinkels sal bydra tot 'n gemeenskaplike begrip van die NKV:VOO-beleidsraamwerk. |
| 6. |
Hierdie vakoriëntasiewerkswinkels sal ook aan graad 10 en 12-vakonderwysers 'n deeglike insig gee van die impak van die NKV:VOO-beleidsraamwerk op die vakverklarings. Onder-wysers behoort aan die einde van hierdie oriëntasiesessies hulle behoefte aan nuwe en verbeterde vaardighede in hulle vakke sowel as in inligtings- en kommunikasietegnologie te kan evalueer. Daarbenewens behoort hierdie oriëntasiesessies aan onderwysers 'n gemeenskaplike raamwerk te verskaf ter voorbereiding van die NKV:VOO-vakmetodiekopleiding wat in die eerste kwartaal van 2005 sal plaasvind. |
| 7. |
VOO-onderwysbeplanning
'n Vraelys gaan na skole versend word met die versoek aan prinsipale om aan te dui watter vakke hulle skool beoog om in die VOO-band aan te bied. Dit is 'n interaktiewe proses en daar moet op plaaslike, OBOS- en provinsiale vlak ingeskakel word. Dit sal aantoon wat skole beoog sodat OBOS-beamptes die situasie in hulle distrik kan bestudeer. Prinsipale sal wyd met die onderwyskorps, die beheerliggame en skoolgemeenskappe moet beraadslaag oor die keuse van vakke wat aangebied sal word. Prinsipale word versoek om hierdie vraelyste dringend te voltooi sodat behoorlike beplanning op skool-, OBOS- en provinsiale vlak moontlik sal wees.
Om hierdie beplanningsproses te help, is 'n bylae aangeheg met 'n beknopte oorsig van die NKV:VOO-beleidsraamwerk. Dit toon die konstruksie van die VOO-kurrikulum, die klassifikasie van vakke en die kombinasiemoontlikhede. Drie voorbeelde van VOO-skool-kurrikulumaanbiedings is ook ingesluit.
|
| 8. |
Voorbereiding vir die NKV:VOO: 'n Multidissiplinêre benadering
Onderwysers en skoolbestuurspanne word aangemoedig om tyd te spandeer aan die bestudering van die CD-ROM in die WKOD se uitkomsgebaseerde onderwys (UGO-) multimediapakket as voorbereiding vir die NKV:VOO-werkswinkels. Hierdie program verskaf 'n baie deeglike inleiding tot UGO.
Die PACE-intervensieopleidingsprogram staan einde se kant toe. Volgens skatting sal 800 onderwysers van Lewensoriëntasie in graad 9 en 10 opleiding ontvang het om leerders te help met die keuse van hulle vakpakette vir die VOO-band met die oog op beroepsmoont-likhede. Die reaksie van skole in sekere gebiede was nie baie positief nie. Skole wat nog nie geregistreer het nie, moet sonder versuim registreer deur die projekbestuurder, me B Prince, by tel. 021 467 2589 of by e-posadres: bprince@pgwc.gov.za, te skakel.
|
GETEKEN: D.R. SHEPHERD
HOOF: ONDERWYS
DATUM: 2004:06:18
|