| 1. |
Die WKOD sal weereens`n gemeenskaplike eksamen vir vlak 3, soos aangedui in Omsendbrief 74/2003, aanbied. Die eksamen sal dien as `n ontwikkelingsproses om leerders in staat te stel om hulleself toe te rus met die vaardighede wat benodig word om 'n formele eksterne eksamen te kan skryf. |
| 2. |
Alle geregistreerde WKOD-GLS'e word versoek om hulle leerders toe te laat om hierdie eksamen in die leerarea van hulle keuse te skryf. |
| 3. |
Sentrumbestuurders word versoek om die ingeslote registrasiedatavorm vir elke leerder wat die vlak 3-eksamen gaan skryf, in te vul. Die vorm moet Hoofkantoor teen nie later nie as 28 Junie 2004 bereik. Indien enige inskrywingsvorm na die sperdatum ontvang word, sal die betrokke sentrumbestuurder self verantwoordelik wees vir die druk van die eksamenvraestelle vir sy of haar sentrum. |
| 4.1 |
Die gemeenskaplike eksamen sal intern by die sentrum nagesien word. |
| 4.2 |
Die finale eksamenpunt, saam met die DASS-punt, sal as `n persentasie op die finale skedule wat die eksamenvraestelle later vanjaar sal vergesel, verskyn. |
| 4.3 |
Sentrums sal verantwoordelik wees vir die voorsiening van finale verslae aan hulle leerders. |
| 4.4 |
Die BOOV- kurrikulumadviseurs sal die finale leerareauitslae modereer en goedkeur. |
| 4.5 |
`n Afskrif van die finale goedgekeurde puntelys moet aan Hoofkantoor gestuur word sodat leerders uitslagadviese van die WKOD kan verkry. Hierdie sertifikate sal in 2005 aan sentrums gestuur word. |
GETEKEN: J.P. RAULT-SMITH
HOOF: ONDERWYS
DATUM: 2004:04:26
|