1. Aansoeke word ingewag van persone wat kan optree as opstellers of moderatore vir die leerareas (lys van leerareas aangeheg) wat gedurende Oktober VBOO vlak 3 gemeenskaplike eksamen geskryf word. Hierdie persone moet voldoen aan die kriteria in paragraaf 2 hieronder.
2. Algemene kriteria
2.1 Onderwysondervinding: Toepaslike onderwysondervinding.
2.2 Kwalifikasies: ‘n Erkende driejarige onderwyskwalifikasie
2.3 Leerareavaardigheid.
3. ‘n Aansoeker moet ‘n afsonderlike aansoekvorm voltooi vir elke leerarea waarvoor hy/sy aansoek doen.
4. Aansoekers
4.1 Gewaarmerkte afskrifte van kwalifikasies moet die aansoekvorms van alle aansoekers vergesel.
4.2 Indien bogemelde dokumente nie ‘n aansoeker se aansoekvorm vergesel nie, sal die aansoek nie oorweeg word nie. Geen uitsondering sal in hierdie verband gemaak word nie en geen korrespondensie sal met aansoekers daaroor gevoer word nie.
5. Aansoeke moet ingedien word op die aangehegte, voorgeskrewe aansoekvorm wat ook verkrygbaar is by die OBOS kantore.

Afskrifte mag van die aangehegte vorm gemaak word. Volledig voltooide aansoekvorms moet nie later nie as 27 MEI 2004 in die besit van die Direktoraat: Kurrikulumontwikkeling wees. Aansoeke wat NA die sluitingsdatum ontvang word, sal NIE oorweeg word nie.
6. Aansoeke moet gestuur word aan:
DIE SENIOR KURRIKULUMBEPLANNER
VBOO ASSESSERING
KAMER 816
WES-KAAP ONDERWYSDEPARTEMENT
PRIVAATSAK X9114 KAAPSTAD 8000
VIR AANDAG: MNR J. PARBHOO
7. Dit is noodsaaklik dat prinsipale, OBOS-direkteure en kringbestuurders die inhoud van hierdie omsendminuut onder die aandag bring van alle opvoeders, insluitend diegene wat met verlof is. Hierdie Direktoraat aanvaar geen verantwoordelikheid vir opvoeders wat nie betyds oor die inhoud van die omsendminuut ingelig word nie.
8. Aansoekers moet asseblief daarop let dat alle aansoekvorms deur die sentrum-bestuurder (in die geval van opvoeders), direkteure (in die geval kurrikulum-adviseurs ens.) onderteken moet word. Vorms wat nie onderteken is nie sal aan die aansoekers teruggestuur word. Die onus berus op aansoekers om te verseker dat die korrek voltooide aansoekvorm die kantoor voor of op die sluitingsdatum bereik.


GETEKEN: J.P. RAULT-SMITH
HOOF: ONDERWYS
DATUM: 2004:04:26

Aansoekvorm  (grootte: 33 KB)