| 1.1 |
Met die oog daarop om konseptuele ontwikkeling van leerders te ontwikkel sal die Wes-Kaap Onderwysdepartement (WKOD) deur middel van sy Strategie vir Wiskunde Wetenskap en Tegnologie een Wiskunde-, Wetenskap- en Tegnologiestel aan elke primêre staatskool met grondslagfaseleerders voorsien. |
| 1.2 |
Die items in die stel kan aangewend word om al die leeruitkomste in die drie leerareas asook die leeruitkomste in verwante leerareas te onderrig. |
| 1.3 |
Let daarop dat skole met minder as 37 leerders in die grondslagfase en spesiale skole 'n aangepaste stel sal ontvang. |
| 2.1 |
Aflewering sal op 25 Januarie 2004 begin en sal teen 28 Februarie 2004 voltooi wees. |
| 2.2.1 |
moet 'n lid van die Skoolbeheerspan (SBS) aflewering aanvaar. |
| 2.2.2 |
moet die houer(s) onmiddellik in die teenwoordigheid van die koerier oopgemaak word en die items teenoor die inventaris wat in die houer is, gekontroleer word. |
| 2.2.3 |
moet enige teenstrydighede in hoeveelhede of skade aan die werklike items in die "Opmerkings"-afdeling van die koerier se vragbrief aangeteken word. Beskadigde items moet deur die skool gehou word. ('n Item of sy plastiese houer wat gekraak of gebreek is, kan gedefinieer word as 'n beskadigde item. 'n Platgedrukte kartondoos sal nie as 'n beskadigde item geklassifiseer word nie.) Geen vervangings sal uitgereik word indien die beskadigde items nie op die vragbrief gespesifiseer is nie. Indien daar teenstrydighede of beskadigde items is, sal Supedi Trust die skool kontak om die items om te ruil. Indien daar geen teenstrydighede of beskadigde items is nie, moet die SBS-lid onder 'Opmerkings' die woorde "In goeie toestand ontvang" skryf. |
| 2.2.4 |
moet die vragbrief deur 'n lid van die SBS geteken word met sy naam en ID-nommer in drukskrif daaronder geskryf. Die telefoonnommer van die skool en indien moontlik die skoolstempel, moet ook verskaf word. |
| 2.2.5 |
word die prinsipaal versoek om die spoedige afhandeling van die proses te verseker aangesien die koerierdiens 'n streng tydskedule moet handhaaf. |
| 3. |
REëLINGS NA AFLEWERING |
| 3.1 |
Na aflewering moet die prinsipaal toesien dat alle items gemerk word en in die skool se inventaris ingeskryf word. |
| 3.2 |
Die stel moet in 'n veilige plek wat maklik toeganklik is, bewaar word en 'n lid van die SBS moet aangestel word om toesig te hou oor die voorsiening van items aan grondslagfaseopvoeders. Hierdie en ander kwessies sal in 'n opvolgwerksessie behandel word. |
| 3.3 |
Aangesien die stel deur al die grondslagfaseopvoeders gedeel moet word, sal dit na verwagting feitlik konstant in gebruik wees en is 'n effektiewe moniterings- en kontrolestelsel noodsaaklik. |
| 4.1 |
Een kopie van 'n onderwyshandleiding met lesplanne en 'n video sal in Februarie 2004 by alle skole afgelewer word. Die handleiding sal in Engels of Afrikaans voorsien word na gelang van die onderrigmedium van die meerderheid leerders in die skool. Skole sal verdere kopieë vanaf Supedi Trust kan bestel. Items van die stel wat vervang moet word, kan ook van Supedi Trust bestel word. Kontakbesonderhede verskyn in die onderrighandleiding. |
| 4.2 |
As gevolg van beperkte fondse sal slegs agtien opvoeders per OBOS deur die diensverskaffer opgelei word in die gebruik van die stel ter ondersteuning van die bereiking van leeruitkomste vir wiskunde, wetenskap en tegnologie, met die klem op wiskunde. Die kriteria wat vir seleksie gebruik word, sal skole insluit wat spesifieke ondersteuning benodig en skole met opvoeders wat as leieronderwysers binne hulle kluster kan optree. Die OBOS sal daardie skole wat hierdie opleiding sal ondergaan per brief daarvan in kennis stel. |
| 4.3 |
Prinsipale word versoek om hierdie leerondersteuningsmateriaal in te sluit in hulle personeelontwikkelingsplan vir grondslagopvoeders. |
| 4.4 |
Grondslagfase-kurrikulumadviseurs in die OBOS'e sal verdere ondersteuning gedurende die jaar bied. |
| 5.1 |
Skole wat nie al drie items, nl. die stel, opleidingshandleiding en die video teen 23 Maart 2004 ontvang het nie, moet me L. Malan kontak by faks 021 467 2620 of e-posadres Lynette Malan met die skool se kontakbesonderhede en 'n aanduiding van watter item(s) wel ontvang is. |
| 5.2 |
Vir enige navrae aangaande die stel en die gebruik daarvan kan skole die grondslagfase-kurrikulumadviseurs in die OBOS kontak. |
Die WKOD voorsien dat hierdie stel die onderrig en leer van wiskunde, natuurwetenskap en tegnologie genotvol sal maak en dat dit die implementering van die HNKV in die Wes-Kaap sal versterk.
GETEKEN: J. RAULT-SMITH
HOOF: ONDERWYS
DATUM: 2004:01:15
|