| 1. |
Teen hierdie tyd moet skole reeds in besit wees van Kurrikulumminute DCD/0004/2004 and DCD/0012/2004 rakende die PACE-projek vir die opleiding van 800 opvoeders verantwoordelik vir Lewensoriëntering in die AOO- en VOO-bande in hoër, intermediêre en gekombineerde skole. |
| 2. |
Hierdie projek is deel van die oorhoofse plan van die Wes-Kaap Onderwysdepartement om onderwysers en leerders voor te berei vir die implementering van die VOO: NKV in Januarie 2006. |
| 3. |
Aangeheg is die Wêreld-van-Werkvraelys wat deur alle graad 9-leerders in skole ingevul moet word. Hierdie leerders moet dan die voltooide en geanaliseerde vraelys in hulle Lewensoriënteringportefeuljes invoeg as deel van die Wêreld van Werk: afdeling. |
| 4. |
Die onderwysers wat opleiding tydens die PACE-kursus ontvang het, is toegerus met die vaardigheid om hierdie proses te hanteer en moet verantwoordelikheid aanvaar om die vraelys te administreer. |
| 5. |
Die onderwysers moet die graad 9-leerders help om die PACE-CD-ROM en die lêer wat aan alle onderwysers wat die werkwinkel bygewoon het, voorsien is, te gebruik. Die resultate van hierdie oefening sal aan leerders die geleentheid bied om 'n volle reeks indiensnemingsgeleenthede te ondersoek en sal hulle vakkeuses vir graad 10 rig. |
| 6. |
Skoolhoofde moet asseblief onmiddellik die OBOS se Hoofkurrikulumadviseur in kennis te stel as hulle nie twee onderwysers vir opleiding geregistreer het nie, of as hulle onderwysers nie enige opleiding ontvang het nie |
| 7. |
Skoolhoofde word versoek om die PACE-opgeleide onderwysers van die inhoud van hierdie minuut te verwittig. |
GETEKEN: E.Z.Z. SIYENGO
HOOF: ONDERWYS
DATUM: 2004:04:04
|