1. |
Soos aangekondig in Minuut DCD/0014/2004, word een bevorderingsstel van die Verdere- Onderwys-en-opleidingsband (VOO) se Nasionale Kurrikulumverklarings (NKV) vir 21 vakke asook die Oorsig en die Kwalifikasies en Assesseringsbeleidsraamwerk graad 10 - 12 (Algemeen), hiermee aan skole voorsien. |
2. |
Skoolhoofde word versoek om te verseker dat elke VOO-onderwyser die Oorsig, die Kwalifikasies en Assesseringsbeleidsraamwerk, graad 10 - 12 (Algemeen) en sy of haar vakdokument, as dit ingesluit is, te lees. Die skool word versoek om 'n stel van hierdie dokumente as verwysingsmateriaal te bewaar. |
2.1 |
Elke onderwyser word versoek om die vakdokumente deeglik te bestudeer om, sover moontlik, te kan vasstel watter vakinhoudelike of vaardigheidopgradering hy/sy sal benodig ter voorbereiding vir die implementering van die kurrikulum. |
3. |
Drie werkkopieë van die NKV sal later vanjaar aan elke skool gestuur word. |
4. |
Navrae rakende die inhoud van hierdie minuut kan gerig word aan direkteure en hoofkurrikulumadviseurs verbonde aan OBOS'e. Die VOO-webtuiste op die Kurrikulumontwikkelingdirektoraat se webtuiste by http://curriculum.wcape.school.za kan geraadpleeg word vir opgraderings. |
5. |
Hoofde van onderwysinrigtings word versoek om die inhoud van hierdie minuut onder die aandag van alle opvoeders, leerders en ouers/voogde te bring. |
GETEKEN: E.Z.Z. SIYENGO
HOOF: ONDERWYS
DATUM: 2004:04:15
|