1. Die nasionale Onderwysdepartement het die WKOD in kennis gestel dat daar in 2004 geen nuwe inname van opvoeders vir die Gevorderde Onderwyssertifikaat: Wiskunde, Natuurwetenskap en Tegnologie (Intermediêre en Senior Fase) (GOS:WNT) sal wees nie. Die volgende inname sal in Februarie 2005 geskied. Opvoeders wat met die GOS:WNT in 2003 begin het, moet met hulle tweede jaar voortgaan vanjaar (2004). Hulle moet op die datum soos deur die betrokke universiteit gespesifiseer is, registreer.
2. Bylae A is 'n lys per OBOS van opvoeders wat voorwaardelik aanvaar is vir die GOS:WNT-kursusse vir 2005/6. Opvoeders op hierdie lys sal deur middel van 'n minuut in die laaste helfte van die jaar versoek word om te bevestig dat hulle hulle nog steeds in Februarie 2005 met hulle studies wil begin.
3. Die bogenoemde minuut wat gedurende die laaste helfte van 2004 versprei sal word, sal ook ander opvoeders wie se name nie in Bylae A verskyn nie, maar wat ook vir hierdie kursus in aanmerking geneem wil word, versoek om aansoek te doen.


GETEKEN: J. RAULT-SMITH
HOOF: ONDERWYS
DATUM: 2004:01:15

Bylae A  (grootte: 19 KB)