1. Soos in Omsendbrief 215/2003 genoem is, is die finale voorstelle vir die Nasionale Kurrikulumverklaring (NKV) verlede jaar goedgekeur. Die kennisgewing verskyn in Staatskoerant 25545, Kennisgewing 1407 van 6 Oktober 2003.  Dit kan aanlyn besigtig word hier (grootte: 211 KB) of by "http://www.gov.za/gazette/notices/2003/25545.pdf"
2. Afskrifte van dokumente sal soos volg beskikbaar gestel word:
2.1 Een bekendstellingsafskrif van die NKV vir die Verdere-Onderwys-en-Opleiding- (VOO-) band wat die Oorsig, die Kwalifikasies en Assesseringsbeleidsraamwerk, graad 10 - 12 (Algemeen) en individuele dokumente vir 21 vakke insluit, sal in Maart 2004 deur nasionale Onderwysdepartement aan alle skole voorsien word. Prinsipale word versoek om toe te sien dat elke VOO-onderwyser die Oorsig, die Kwalifikasies en Assesseringsbeleidsraamwerk en sy of haar vakdokument, indien dit ingesluit is, sal lees. Daarna moet die prinsipaal 'n stel dokumente as verwysingsmateriaal bewaar.
2.2 Drie werkkopieë sal later vanjaar aan elke skool gestuur word.
2.3 Die volle stel NKV-dokumente is beskikbaar op die webbladsy, "Further Education and Training (Schools)" by die WKOD se Kurrikulumwebtuiste  (http://curriculum.wcape.school.za/index), onder die opskrif “Policies, Circulars, Guidelines and Learning Support”.
2.3.1 Die dokumente is tans net in Engels beskikbaar, maar die WKOD tref reëlings vir die vertaling hiervan in Afrikaans.
3. Die volgende dokumente word nog voorberei:
3.1 Die dokumente in die 11 amptelike tale word tans hersien en geredigeer en sal later vanjaar aan skole gestuur word.
3.2 Weergawes van vakdokumente oor die volgende word opgestel en sal later vanjaar beskikbaar wees: Hindoe, Oerdoe, Tamil, Teloegoe, Frans, Arabies, Italiaans, Duits, Portugees, Spaans, Hebreeus en Latyn. Hierdie vakke sal op aanvraag aangebied word.
3.3 Tegnologie: Meganies, Tegnologie: Elektries en Ingenieursgrafika word in ooreenstemming gebring met soortgelyke kursusse in die VOO-band, en dokumente daaroor sal later vanjaar versprei word.
3.4 Werk aan die ontwikkeling van vakverklarings in Tegnologie: Siviel en Godsdiensstudies sal in Maart 2004 'n aanvang neem.
4. Die volgende opleiding word reeds verskaf:
4.1 Onderwysers is besig om tyd te spandeer aan die CD-ROM in die WKOD se multimediapakket. Ons sien daarna uit om terugvoering van onderwysers en prinsipale oor hierdie proses te ontvang.
4.2 'n Loodsstudie oor die opleiding van VOO-Lewensoriënteringsonderwysers in "Persoonlike Ontwikkeling" word onderneem.
4.3 'n Opleidingsprogram word aan 400 VOO-onderwysers aangebied oor Beroepsleiding.
4.4 Gevorderde Onderwyssertifkaat-(GOS-)kursusse is gereël vir onderwysers wat Wiskundige Geletterdheid sal aanbied.
5. Hoofde van onderwysinrigtings word versoek om die inhoud van hierdie omsendbrief onder die aandag van alle opvoeders, leerders en ouers/voogde te bring.
6. Navrae aangaande die inhoud van hierdie omsendbrief kan gerig word aan die direkteure en hoofkurrikulumadviseurs wat aan OBOS'e verbonde is.
7. Vir verdere nuus oor die nuutste ontwikkelings, kan u die VOO-webbladsy op die Kurrikulumontwikkeling-ruimte besoek by  http://curriculum.wcape.school.za/index .


GETEKEN: J.P. RAULT-SMITH
HOOF: ONDERWYS
DATUM: 2004:03:04