| 1. |
Omsendbrief 6/2004 het aangedui dat die vereistes vir deurlopende assessering vir graad 10 en 11 (van 2004 af) en graad 12 (2005) binnekort aan onderwysinrigtings verskaf sal word. |
| 2. |
Dokumente vir al die belangrike vakke (d.w.s. daardie vakke wat aan die meerderheid van die kandidate aangebied word) sal binnekort per koerier by skole besorg word. |
| 3. |
Dokumente vir die volgende vakke - daardie vakke wat deur minder onderwysinrigtings aangebied word - moet by die Onderwysbestuurs-en-opleidingsentrums (OBOS'e) afgehaal word tussen 9 en 19 Maart:Landbouwetenskap en Toegepaste Landbouwetenskap
Rekenaarstudies
Rekenaartik
Dans
Ingenieurstudies: Elektries
Ingenieurstudies: Meganies
Ingenieurstudies: Meganies (Metaalwerk)
Musiek
Fisiologie
Reis en Toerisme
Tik
Spraak en Drama |
| 4. |
Onderwysinrigtings word daaraan herinner dat die "oorgangs-" dokumente wat voorheen uitgegee is voorstelle bevat het oor items en fokuspunte vir DASS. Die dokumente wat in hierdie omsendbrief genoem word, bevat egter die formele DASS-vereistes wat op rekord geplaas moet word met die oog op bevorderings-doeleindes. Hoofde van inrigtings moet seker maak dat opvoeders nie alleen die vakbesondere vereistes ken nie, maar hulleself ook vergewis van die generiese afdeling wat deel van elke dokument is (Afdeling A). |
| 5. |
Hoofde van onderwysinrigtings word versoek om die inhoud van hierdie omsendbrief onder die aandag van alle opvoeders, leerders en ouers/voogde te bring. |
| 6. |
Navrae aangaande die inhoud van hierdie omsendbrief kan gerig word aan die direkteure en hoofkurrikulumadviseurs wat aan OBOS'e verbonde is. |
GETEKEN: J.P. RAULT-SMITH
HOOF: ONDERWYS
DATUM: 2004:03:035
|