1. Skole moes teen hierdie tyd reeds Kurrikulumminuut DCD/0004/2004 ontvang het. Prinsipale word versoek om Bylae A van daardie omsendminuut so spoedig moontlik terug te stuur sodat die regte getal deelnemers per plek gefinaliseer kan word.
2. Opleiding sal gedesentraliseer word en in die sewe OBOS'e aangebied word, en skole is binne die OBOS-konteks gegroepeer. Verwys asseblief na Bylae A van hierdie dokument vir die opleidingsrooster. Skole word versoek om die groep by wie hulle ingedeel is by te woon.
3. Die twee opvoeders wie se name deur die skool aangestuur is, moet die opleiding bywoon.
4. Alle kursusse sal stiptelik om 14:00 op Vrydagmiddag 'n aanvang neem en voortgesit word op Saterdag vanaf 08:00 tot 15:00.
5. Reiskoste is terugbetaalbaar. Opvoeders wat eise om reiskoste wil indien, moet die volgende gegewens tydens die kursus verskaf:

  • PERSAL-nommer

  • Enjinslaggrootte en die jaar van vervaardiging van die voertuig

  • Die kilometerafstand van die skool na die plek van opleiding

6. Opvoeders van die landelike OBOS'e wat akkommodasie benodig vir Vrydagnag word versoek om hulle eie reëlings te tref. Geskikte Bed en Ontbyt-akkommodasie word aanbeveel. Opvoeders moet hulle eise om akkommodasie inlewer voor hulle Saterdagmiddag vertrek.
7. Die WKOD en die aanbieders van die PACE-program sien daarna uit om Lewensoriënteringopvoeders by hierdie werkswinkels te ontmoet.


GETEKEN: J.P. RAULT-SMITH
HOOF: ONDERWYS
DATUM: 2004:01:05

Bylae A: Groepering van skole vir PACE-opleiding  (grootte: 18 KB)