| 1. |
Die Wes-Kaap Onderwysdepartement (WKOD), in samewerking met die Universiteit van Stellenbosch en die World Population Foundation (WFP), het ‘n CD-ROM Lewensoriënteringinligtingspakket ontwikkel wat ook in hardekopieformaat beskikbaar is. Die program is ontwerp in ooreenstemming met die nuwe VOO-Lewensoriëntering-leeruitkomstes vir graad 10 tot 12, wat vanaf 2006 geïmplementeer sal word. Hierdie programme bevorder kennis, vaardighede, waardes en gesindhede wat leerders in staat sal stel om positief, effektief en op verantwoordelike wyse te reageer op die uitdagings van die lewe. |
| 2. |
‘n Driedaagse werksessie wat deur die ontwikkelaars van die CD-ROM aangebied word, sal gehou word vir opvoeders verantwoordelik vir Lewensoriëntering in die hoërskole wat geselekteer is om by die loodsstudie in te skakel. By hierdie werksessie sal twee VOO-opvoeders opgelei word in die gebruik van die program. Hulle sal ook voorsien word van toepaslike ondersteuningsmateriaal vir die implementering van die program. Hierdie navorsing is goedgekeur deur die WKOD Direktoraat: Navorsing (kyk Bylae B) en die etiese komitee van die Universiteit van Stellenbosch. |
| 3. |
Die werksessie sal gehou word by die Fakulteit Gesondheidswetenskappe, Universiteit van Stellenbosch, Parow. Daar sal van opvoeders verwag word om stiptelik om 13:00 op Woensdag 31 Maart te registreer en die volle werksessie tot die sluiting om 15:00 op 3 April 2004 by te woon. Hulle sal vergoed word vir vervoerkostes, en akkommodasie en maaltye sal voorsien word. |
| 4. |
Prinsipale van geselekteerde hoërskole word versoek om die aangehegte Bylae A te voltooi en te besorg aan die administratiewe beampte, me MD Conradie (adres in bylae) teen nie later nie as 27 Februarie 2004. |
GETEKEN: J.P. RAULT-SMITH
HOOF: ONDERWYS
DATUM: 2004:02:16
|