| 1. |
Ingevolge artikel 43 van die SA Skolewet, 1996 (Wet 84/1996) soos gewysig (SASW) en artikel 24 van die Wet op Basiese Onderwys en Opleiding vir Volwassenes, 2000 (Wet 52/ 2000) (VBOO-wet) onderskeidelik, is openbare skole en opleidingsentrums vir volwassenes verplig om teen nie later nie as 30 Junie van elke jaar geouditeerde finansiële state aan die Departement voor te lê. |
| 2. |
Ten einde doeltreffende kontrole en administrasie te verseker en die Wes-Kaap Onderwysdepartement in staat te stel om volledig rekord te hou van persone wat by hierdie inrigtings as ouditeure aangestel is, word prinsipale en sentrumbestuurders versoek om die aangehegte opnamevorm te voltooi en teen nie later nie as 13 September 2004 te stuur aan
Hoof: Onderwys
(Vir aandag Direkteur: Begrotingsbestuur)
Wes-Kaap Onderwysdepartement
Privaatsak X9114
KAAPSTAD
8000
(Faksnommer: 021 467 2594) |
| 3. |
Elke onderwysinrigting moet vasstel of sy ouditeur geregistreer is by een van die professionele liggame wat op die opnamevorm gemeld word en waarvan die lede deur die SASW en die VBOO-wet geag word geregistreerde ouditeure te wees. |
| 4. |
Inrigtings wat van geregistreerde ouditeure gebruik maak, moet slegs deel A van die vorm voltooi. Inrigtings wat van ongeregistreerde ouditeure gebruik maak, dit wil sê, persone wat as ouditeure gebruik word, maar wat nie geregistreer is by een van die professionele liggame waarna daar in die vorige paragraaf verwys word nie, moet slegs deel B voltooi. |
GETEKEN: E.I. MEYER
HOOF: ONDERWYS
DATUM: 2004:08:20
|