1. Ingevolge paragraaf 6.7 van Omsendbrief 138/2003 moet alle onderwysinrigtings vanaf 1 Januarie 2004 kwartaalliks ‘n Inkomste- en Uitgawekwartaalverslag (WKOD-043) by hulle betrokke OBOS indien.
2. Ten einde te voldoen aan die bepalings van Tesourieregulasie 8.4 van die Regulasies, uitgevaardig kragtens die Wet op Openbare Finansiële Bestuur, 1999 (Wet 1/1999), mag subsidies en oordragbetalings slegs aangewend word vir die doel waarvoor hulle oorspronklik bestem is. Die aangehegte vorm, wat ontwerp is om te verseker dat dit wel die geval is, moet ten opsigte van elke onderwysinrigting voltooi word deur die Adjunkdirekteur: Administrasie van die betrokke OBOS. Die volledig voltooide vorm moet ingedien word by die Direkteur: Begrotingsbestuur te Hoofkantoor, vir aandag me MB van Eeden.
3. Norme-en-standaarde-oordragbetalings sal voortaan slegs gemaak word nadat die goedkeuring van die Adjunkdirekteur: Administrasie op die voorgeskrewe vorm ontvang is.
4. U samewerking sal waardeer word.


GETEKEN: E.I. MEYER
HOOF: ONDERWYS
DATUM: 2004:03:21

N&S Oordragbetalings aan Onderwysinrigtings  (grootte: 64 KB)