| 1.1 |
Injongo yale setyhula kukwazisa ii-ofisi zezithili nezikolo ngenkqubo yokuthengwa kwefanitshala nezixhobo zokusebenza ngo-2019 ukulungiselela u-2020. |
| 1.2 |
ISebe leMfundo leNtshona Koloni (WCED) linemvumelwano (contract) yeminyaka emithathu yokwenza nokubonelela ngefanitshala kwizikolo zikarhulumente zePhondo leNtshona Koloni. Le mvumelwano iquka ii-ayithem zefanitshala yesikolo eziyi-31 ezikwikhatalogu eqhotyoshelweyo (kwisiHlomelo A). Izikolo zivumeleke ukwenza isicelo kuphela kwilisti yee-ayithem zefanitshala kwiifom i-WCED 026A form nefom 026B (kwisiHlomelo B no-C) eziqhotyoshelweyo. |
| 1.3 |
Makwenziwe isicelo sefanitshala kwi-WCED 026A form (kwisiHlomelo B). |
| 1.4 |
Makwenziwe isicelo sezixhobo zokusebenza kwi-WCED 026B form (isiHlomelo C). |
| 2. |
Inkqubo yokubeka phambili ngokokubaluleka kwanokuthengwa kwefanitshala eyongezelelayo nezixhobo zokusebenza zezikolo ezikhoyo (izongezelelo) |
| 2.1 |
Zonke izicelo zefanitshala kunye nezezixhobo zokusebenza ezisuka kwizikolo ezikhoyo mazingeniswe zikwifom echanekileyo kumphathi wesekethe wesikolo ungadlulanga owe-01 Februwari 2019. |
| 2.2 |
Mayizaliswe ngokupheleleyo nangokufanelekileyo i-WCED 026A form yerikhwizishini yefanitshala yokongezelela izixhobo zokusebenza nefom -WCED 026B requisition form yokongezelela izixhobo zokusebenza. |
| 2.3 |
Abalawuli bezithili okanye amagosa ekudluliselwe kuwo amagunya abo aya kwenza ilisti yee-ayithem ezibekwa phambili ngokokubaluleka ngokungqinelana nebhajethi ekhoyo. Oku kuthetha ukuba asiyiyo yonke ifanitshala kunye/okanye izixhobo zokusebenza ezicelwe zizikolo ezinokubekwa phambili ngokokubaluleka ukuba indleko iyonke yezicelo iyagqitha kwibhajethi ekhoyo. Le listi yezinto ezibekwa phambili ngokokubaluleka iya kuthunyelwa kwiCandelo loLawulo eliyiNtloko kwiZithili (Chief Directorate: Districts) ungadlulanga owe-22 Februwari 2019, ukufumana imvume. |
| 2.4 |
Amagosa ekudluliselwe kuwo amagunya kwii-ofisi zezithili aya kwazisa izikolo ngencwadi ebhaliweyo malunga nokuba ingaba zavunywa na, yaye zenziwa na izilungiso okanye azange zivunywe izicelo zabo okanye inxalenye yazo. Kucetyiswa ukuba izikolo mazibalandelele abaphathi beesekethe abachaphazelekayo ukwenzela ukuba ziqonde ngokuba yeyiphi ifanitshala kunye/okanye izixhobo zokusebenza ekwenziwe izicelo zazo, ezimiselwa njengeziphambili ngokokubaluleka. |
| 2.5 |
ICandelo lokuXhasa amaZiko ngeziBonelelo kwaNdlunkulu liya kusingatha yaye lifake ii-odolo zefanitshala evunyiweyo nezixhobo zokusebenza ekuqaleni konyaka-mali omtsha ukususela ngowe-01 Apreli 2019. |
| 3. |
Ithuba lokusebenza kwewaranti kunye nefanitshala eyonakeleyo |
| 3.1 |
Ifanitshala nezixhobo zokusebenza zinewaranti yonyaka omnye ukususela kumhla wokusiwa kwazo ezikolweni zikwahamba nale migqaliselo ilandelayo: |
| 3.1.1 |
Izikolo ezafumana ifanitshala eyonakeleyo mazazise uNdlunkulu kwangethuba ngokungenisa ingxelo ebhaliweyo kule dilesi ye-imeyili ilandelayo: Moya.Paterson@westerncape.gov.za |
| 3.1.2 |
ISebe i-WCED liya kubonisana nabathengisi ukwenzela ukuba benze amalungiselelo okulungisa okanye okutshintsha bafake enye ifanitshala nezixhobo zokusebenza ngokukhawuleza kangangoko kunokwenzeka. |
| 3.2 |
Ifanitshala okanye izixhobo zokusebenza ezonakeleyo ezinokulungiswa mazigcinwe ngononophelo ukuthintela ukuba zingonakali kwakhona. |
| 3.3 |
Ukuba izikolo zi-odola ifanitshala ngqo kubathengisi, intlawulo yezo odolo iya kusuka kwi-akhawunti yesikolo. |
| 3.4 |
Kucetyiswa izikolo zisebenzise isabelo sazo saqho ngonyaka semimiselo nemigangatho emiselweyo yolwabiwo-mali kunye neemali zesikolo ukuthenga kunye/okanye ukulondolozwa kwefanitshala nezixhobo zokusebenza ezingafakwanga kuluhlu lwezinto ezibaluleke kakhulu yi-ofisi yesithili. |
| 4. |
Ukulawulwa kwefanitshala nezixhobo zokusebenza ezikolweni |
| 4.1 |
Izikolo maziseke ikomiti yokusingatha ukuthengwa kweempahla neenkonzo (procurement committee) eya kuba noxanduva lokugcina iirekhodi ezihlaziyiweyo zefanitshala kwanezixhobo zokusebenza ezisesikolweni (makujongwe isikhokelo esiyi-Basic Financial System for Schools). |
| 4.2 |
Ifanitshala okanye izixhobo zokusebenza ezingasasebenziyo mazicinywe yaye zichithwe emva kokuba kuthathwe isigqibo ngazo kwintlanganiso engokuchithwa kweempahla. Imizuzu yale ntlanganiso mayibonise isigqibo eso kwaye igcinwe kwirekhodi kwisikolo eso. |
| 4.3 |
Ikopi yemizuzu ekubhekiswa kuyo kumhlathi 4.2 mayithunyelwe apha: Moya.Paterson@westerncape.gov.za ukuqinisekisa ukuba iCandelwana leZixhobo zoKusebenza neFanitshala kwaNdlunkulu lizihlaziya qho iirekhodi ezisekhompyutheni zefanitshala nezixhobo zokusebenza ebezifakwe sisikolo kwikhompyutha kwixa elingaphambili. Yonke ifanitshala nezixhobo zokusebenza ezisiwe ezikolweni ziya kufakwa ekhompyutheni kwi-CEMIS liCandelwana leZixhobo zoKusebenza neFanitshala kwaNdlunkulu. |
| 4.4 |
Izikolo mazizihlaziye iirekhodi ze-inventri zazo qho ngonyaka (kuqukwa nefanitshala eyongezelelweyo ethengwe ngeemali zaso isikolo, istokhwe esikhoyo nefanitshala echithiweyo nezinto ezishotayo), ngokubonelela ngezi rekhodi zilolu hlobo kwiCandelwana leZixhobo zoKusebenza neFanitshala. Ezi rekhodi mazisetyenziselwe ukuqaphela imfuneko yezongezelelo kwefanitshala nezixhobo zokusebenza. |
| 4.5 |
Kukhuthazwa izikolo ukuba ziyibhale ngokucacileyo yonke ifanitshala nee-ayithem zezixhobo zokusebenza ukwenzela ukuba zigcinwe ngokukhuselekileyo kubusela bee-asethi. |
| 5. |
Niyabulelwa ngentsebenziswano yenu malunga nale miba ibaluleke kangaka. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2018:11:09
|
 |