1. |
Kuthathelwa ingqalelo iimfuno zokwenziwa kweenkonzo zeSebe leMfundo leNtshona Koloni (ISebe iWCED), kwakunye neemfuno zabahlali abenzelwa iinkonzo, ndinovuyo ukunazisa ukuba iSebe iWCED lifakele izilungiso kumgaqo-nkqubo weeyure zomsebenzi ezahlukileyo (staggered hours policy). Oku kuthetha ukuba umqeshwa angathethana nesuphavayiza yakhe ngeeyure zomsebenzi lo gama eyigqiba iveki yomsebenzi yeeyure eziyi-40. Oku kuhlaziywa kwalo mgaqo-nkqubo kubangelwe kukwanda kwengxinano ngethuba lokungena nokuphuma kwiNgingqi yeSixeko saseKapa (Cape Town city bowl) ngethuba leeyure zikaxakeka ezindleleni (peak traffic hours) nayimeko embi yezithuthi zikawonke-wonke, ngakumbi iinkonzo zikaMetrorail. Oku kuya kubavumela bonke abaqeshwa ukuba bangene yaye baphume ngokulula esixekweni. |
2. |
Umgaqo-nkqubo ubonelela ngokuba abaqeshwa abasezi-ofisini beSebe iWCED abasebenza ngeeyure zomsebenzi eziqhelekileyo okanye ezamaxesha ahlukileyo, bavunyelwe ukuba benze izilungiso kudidi lwamaxesha abalukhethayo ngoku ukuqalela ngowe-01 Novemba 2018 ngokungqinelana nale migqaliselo nemimiselo ilandelayo: |
2.1 |
Ixesha lokuqalisa emsebenzini malingabikho phambi ko-06:30 yaye elokutshayisa lingabikho semva ko-16:30. |
2.2 |
Ixesha lokuba semsebenzini (core time) limiselwe ukususela ku-08:00 de kube ngu-15:30 (iiyure ezisixhenxe nemizuzu eyi-30). Ngeli xesha lokuba semsebenzini, lingabandakanywanga ixesha lekhefu lelantshi, bonke abaqeshwa mababesemsebenzini. |
2.3 |
Ikhefu lelantshi lemizuzu eyi-30 ukususela ku-12:30 ukuya ku-13:00/13:30, ngokuxhomekeke kwitotali yeeyure ezisibhozo (engabandakanywanga amakhefu elantshi) eeyure ezisetyenzwa yonke imihla. |
2.4 |
Iiyure zomsebenzi eziqhelekileyo zeSebe iWCED zisahleli zingu-07:30 ukuya ku-16:00 lize ixesha lelantshi lisusele ku-12:30 ukuya ku-13:00. Nakuphi na ukwahluka kulo mgaqo, kuya kufuneka abasebenzi benze amalungiselelo ngokuzalisa le fom iqhotyoshelweyo (isiHlomelo A). |
2.5 |
Igunya lokuvuma izicelo zokwahluka kwiiyure zomsebenzi eziqhelekileyo zabasebenzi ngabanye, lidluliselwe kuBalawuli bamacandelo awahluka-hlukeneyo kwiSebe iWCED yaye izigqibo zimele ukususelwa kwiimfuno zokwenziwa komsebenzi ezihamba kunye nomsebenzi neyunithi/necandelo elichaphazelekayo. |
2.6 |
Amaxesha omsebenzi ekuvunyelenwe ngawo aya kuhlala esebenza kude kufumaneke imvume yokuwatshintsha emva kwexesha eliziinyanga ezintandathu ubuncinane. |
2.7 |
Iya kuhlala ingatshintshanga imigqaliselo emalunga nokuhlawulwa kwe-ovathayim. Oku kuthetha ukuba ixesha le-ovathayim legosa liya kuqala ngoko nangoko emva kokuba kugqitywe inkonzo yeeyure ezisibhozo eyenziwe ngosuku lweveki. |
2.8 |
Iikopi zeefom apho kuvunyiweyo ukwahluka kwiiyure zesiqhelo, mazingeniswe kuMlawuli oyiNtloko weCandelo loLawulo lweMicimbi yaBasebenzi, iCandelwana lakwaNdlunkulu ukulungiselela iinjongo zeerekhodi. |
2.9 |
Abaqeshwa mabaqinisekise ukuba bayawaswayipha amakhadi abo okungena nokuphuma (access cards) xe bengena kwisakhiwo ukuya kuqalisa umsebenzi naxa bephuma ngexesha lokutshayisa. |
2.10 |
Abasebenzi mababe bahleli kwiidesika zabo ngamaxesha abawakhethileyo. |
3. |
Bayacelwa abasebenzi ukuba baqinisekise ukuba bazilandela mbo iiyure zomsebenzi ezivunyiweyo. Ukufakelwa kwezilungiso kulo mgaqo-nkqubo kusalingwa yaye kuya kuphindwa kujongisiswe emva kweenyanga ezilishumi elinambini. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2018:10:23
|
|