Iinkcukacha zolwabiwo-mali ngokwemimiselo nemigangatho (norms and standards (N&S)) zezikolo eziphantsi kwesiqendu 21 zale minyaka mithathu izayo yethuba eliqala nge-01 Apreli 2019 ukuya kwi-31 Matshi 2022, ziyafumaneka kwi-CEMIS kwaye zinokufunyanwa ngale ndlela ilandelayo:

• Logisha kwiCEMIS.
• Khetha u-"Public Ordinary".
• Khetha isikolo.
• Klikha ku-"Proceed" uze ukhethe u-"Administration" kwi-menu bar uze uklikhe ku-"Norms and Standards Allocation" ukhethe u-"N&S 2019/20".
• Liprinte iphepha elo.

Kucelwa uthathele ingqalelo oku kulandelayo:

Itheyibhili kazwelonke yeethagethi zolwabiwo-mali zezikolo kumaBakala 1 -12 (2019-2021)

Izikolo ziya kufumana isabelo sazo se-N&S sonyaka-mali ka-2019/20 ngeentlawulo ezimbini, ekuzezi, i-60% ngo-Apreli – Meyi 2019 ne-40% ngo-Oktobha ukuya kuNovemba 2019. Kufuneka izikolo eziphantsi kwesiqendu 21 ziyisebenzise intlawulo yokuqala yazo (60%), ekuthengeni iincwadi nezincedisi zokufunda nokufundisa (LTSM) zazo zika2020 ukwenzela ukuba zibe sele zifumaneka ngaphambi kokuphela kukaSeptemba 2019; yaye zihlawule nezinye iindleko zazo njengoko zicacisiwe kumhlathi 3.1 apha ngezantsi. Intlawulo yesibini (40%), mayisetyenziselwe ukuhlawula iindleko ezifanelekileyo ezinxulumene nesikolo ukuya kutsho ekupheleni konyaka-mali karhulumente ukuya kwi-31 Matshi 2020. Apho iSebe iWCED lithenga nayiphi na iLTSM egameni lezikolo, iindleko ezilolu hlobo ziya kuxhuzulwa kwintlawulo yesibini eyenziwa ngoomatshini (second transfer payment).

Yi-20% yaso sonke isabelo-mali se-N&S ehlawulwa ngo-Apreli–Meyi 2019 (Jonga kumhlathi 2.1 apha ngasentla) emayigcinelwe iindleko zemihla ngemihla ezinganxulumananga nabasebenzi (non-personnel expenditure). Izikolo ziya kwaziswa ngesi sixa-mali ngeleta yesabelo-mali ngokwe-N&S. Makusoloko kukhunjulwa ukuba esi sixa-mali masisigcine isikolo de kube ngu-Apreli 2020, apho kuya kufunyanwa intlawulo yonyaka-mali olandelayo.

Kucetyiswa ngokuba, izikolo zimele ukusahlula-hlula isabelo sazo sango-2019/20 esifumanekayo ngokwamahlelo ngamahlelo enkcitho (various expenditure categories) ngolu hlobo lulandelayo:

• I-30% isetyenziselwa ii-odolo zeLTSM zika-2020 ekufuneka i-10% yayo isetyenziselwe ukuthenga izinto zokufunda zaselayibrari (ngamnye umfundi makabe nencwadi yesifundo emiselweyo ngenkalo yesifundo nganye okanye ngesifundo ngasinye). Istokhwe seencwadi nezibonelelo zaselayibrari mazandiswe qho ngonyaka de inani elipheleleyo lee-ayithem (items) libonise owona mgangatho usezantsi wamazwe ngamazwe umiselweyo (minimum international standard) wee-ayithem ezili-10 ngomfundi ngamnye. (Jonga kumhlathi 3.1.1 apha ngezantsi, izinto ezinokufakwa phantsi kweLTSM.)
• I-20% isetyenziselwa ukuthenga izinto kuloo ndawo inesikolo (local purchases).
• I-25% isetyenziselwa iinkonzo zikamasipala. (Nakuba kunjalo izikolo zifanele ukwenza ibhajethi yepesenti enkulu kunoku ukuba iindlela zenkcitho zazo (expenditure trends) zenza ukuba oku kube yimfuneko;
• I-25% isetyenziselwe ulondolozo lwesikolo;

1. ISebe leMfundo esiSiseko (DBE) lizicacisa iincwadi nezincedisi zokufunda nokufundisa (LTSM) njengazo naziphi na izinto ezixhasa zize zenze kube lula ukufunda nokufundisa kanye ngqo eklasini okanye ekhaya (umsebenzi wesikolo wasekhaya). Zibandakanya oku kulandelayo:
   
   1. Iincwadi zezifundo (textbooks), iincwadi zokufunda (readers), iincwadi zokukhangela izinto-yinto (reference books), iincwadi ezimiselweyo (prescribed books), ii-atlasi (atlases) nezichazi-magama (dictionaries);
   2. Iincwadi zokwenza imisebenzi (workbooks);
   3. Iiphowusta, iimephu neetshathi zodonga;
   4. Imidlalo efundisa okuthile ii-Educational board games;
   5. Izinto zokufunda zaselayibrari (ezingamabali angeyonyaniso (fiction) nezingamabali asusela kwizinto zokwenene (non-fiction), iincwadi zokukhangela izinto-yinto, iiphowusta, iirekhodingi zeevidiyo, ezee-DVD, ii-CD, ii-multi-media njl. njl.);
   6. I-software yekhompyutha nokulayisenswa kwayo (Computer software and licensing);
   7. Izibonelelo ezisetyenziswa ngootitshala, ngabafundi, eziklasini nakwiilayibrari.

2. Ziyacelwa izikolo zisebenzise isabelo sazo esipheleleyo seLTSM ukuthenga iLTSM eya kwandisa ngamandla ize ixhase ukuphunyezwa kwe-Curriculum and Assessment Policy Statement (CAPS) eziklasini zazo. Ngako oko ke ziyakhuthazwa izikolo ukuba zisebenzise isabelo sazo seLTSM ekuthengeni iincwadi zezifundo (textbooks) zokongezelela, iincwadi ezimiselwe ukufundwa (prescribed works), ii-atlasi (atlases) izichazi-magama (dictionaries); iincwadi zokwenza imisebenzi (workbooks); iiphowusta, iimephu neetshathi zodonga, iimidlalo efundisa okuthile (educational board games), izinto zokufunda zaselayibrari (ezingamabali angeyonyaniso (fiction) nezingamabali asusela kwizinto zokwenene (non-fiction), iincwadi zokukhangela izinto-yinto, iividiyo esezirekhodiwe, ii-DVD, ii-CD, ne-software yekhompyutha kwakunye nezixhobo ze-Consumer Studies, eze-Hospitality Studies nezelebhu yesayensi.

3. Inkxaso-mali yeLTSM nayo imele ukuthathelwa ingqalelo ukwenzela iintlawulo zemirhumo (subscriptions), iiprogram ii-online applications nokuhlaziywa kweemvumelwano okanye ezezibonelelo ii-proprietary digital resources. Oku kwenza izikolo zisebenzise isabelo-mali seLTSM ukuthenga izibonelelo ii-digital resources zokutshintsha inkqubo yokufunda yangaphambili ibe yinkqubo yokufunda yethekhnoloji eyi-digital learning. Ezi zibonelelo zilolu hlobo ziqulethe ii-eBooks kwakunye ne-software yezemfundo (educational software). Ixabiso loku liyafana kungokunje neleencwadi zezifundo engamaphepha aprintiweyo zodidi oluqhelekileyo (traditional hard copy textbooks) zingancitshiswanga okanye zincinane iindleko kuzo. Makwenziwe amalungiselelo okwenza ukuba izikolo zizibhalisele ezi nkonzo/ezi mveliso.

4. Ngokuxhomekeke kule miqathango ilandelayo, izikolo zingabela iLTSM imali encinane ukuba:
   
   1. ngamnye umfundi osesikolweni unencwadi yezifundo kwisifundo ngasinye kwaye unako ukufikelela kwezinye izibonelelo zeLTSM;
   2. isikolo besisoloko sisithi qho ngonyaka sabe i-10% yesabelo seLTSM ekuthengweni kweencwadi nezibonelelo zaselayibrari zokwandisa istokhwe saselayibrari yaye inani lilonke lee-ayithem zaselayibrari kwistokhwe saselayibrari ngoku zii-ayithem ezili-10 ekulelona nani lisezantsi limiselweyo ngokomgangatho wamazwe ngamazwe (minimum international standard of 10 items) ngomfundi ngamnye; yaye
   3. ibhunga lolawulo lithathe isigqibo ngokusesikweni malunga noku kutenxa kokumiselweyo. (Esi sigqibo sebhunga lolawulo ngokumalunga nebhajethi, nekufuneka ingeniswe kwintlanganiso yabazali, masicaciswe yaye makunikwe isixa-mali esichithwe kwizibonelelo zeLTSM ngomfundi ngamnye. Esi sigqibo masandlalwe kwintlanganiso yabazali, nokuba ngaba umphathi wesekethe uyasixhasa okanye akasixhasi).

5. Indlela yokufunyanwa kwe-LTSM):
   
   1. Izikolo eziphantsi kwesiqendu 21 mazifumane iikowuteshini zokhuphiswano ngamaxabiso xa zifaka ii-odolo zazo kubathengisi be-LTSM, apho kunokwenzeka oku; izikolo zinoku-odola ngekhompyutha. ISebe iWCED lizazisa izikolo qho ngonyaka (ngeesetyhula) ngamaxesha amisiweyo oku-odola iincwadi zezifundo zokongezelela zeCAPS kwi-CEMIS.
   2. Xa zi-odola i-LTSM yokongezelela, izikolo mazikhethe zonke iincwadi zezifundo ze-CAPS kwiikhathalogu zikazwelonke ezivunyiweyo (approved national catalogues) - zijonge nakwiikhathalogu zikazwelonke ezivunyiweyo ezifumaneka kweli ziko lewebhu leSebe iWCED apha: http://wcedonline.westerncape.gov.za/index.html
   3. Uncwadi olumiselweyo (prescribed literature) olufundwa kwiBakala 10 kunyaka ka-2020 malukhethwe kwiKhathalogu yeeNcwadi zoNcwadi yeSebe iDBE i-DBE National Further Education and Training (FET) Literature Catalogue.
   4. Ukuba zifuna ukuncediswa ekukhetheni iincwadi nezibonelelo zaselayibrari, kufuneka izikolo ziqhagamshelane noMnu Timothy Cloete, uMququzeleli we-EDULIS weeNkonzo zeeLayibrari zeZikolo (School Library Services), kule nombolo yefoni 021 957 9626. Kunokuqhagamshelwana nomcebisi ngezelayibrari yesikolo wesithili (district school library adviser) kunye/okanye nomququzeleli weziko elinguvimba wolwazi (resource centre coordinator) ngokumalunga nokuphuculwa kweelayibrari zezikolo.

1. Injongo yesabelo esinikwa izikolo ngokwe-N&S, phakathi kwezinye izinto, kukuhlawula ii-akhawunti zeenkonzo zikamasipala, ezibandakanya umbane, amanzi, ugutyulo lomphutha (sewage removal), ukuthuthwa kwenkunkuma (iintlawulo zokufumaneka nezosetyenziso), kodwa asibandakanyi ukuhlawulwa kwerhafu yepropathi. Njengoko kwakunjalo kwixesha elidlulileyo, uRhulumente uya kuyihlawula irhafu yepropathi ebhaliswe ngegama likaRhulumente wePhondo leNtshona Koloni (PGWC) okanye leRiphablikhi yoMzantsi Afrika (RSA) kwezinye iimeko.

2. Izikolo kusafuneka ziwaphumeze amanyathelo okonga imali aboniswe kwiSihlomelo A.

3. U-Eskom noninzi loomasipala bavakalise ukuba bangazenza iimitha zombane ohlawulelwa ungekasetyenziswa (pre-paid electricity meters) ezikolweni. Oku kuya kwenza izikolo zibe nolawulo olubhetele losetyenziso lombane wazo. Izikolo maziqhagamshelane nokuba ngu-Eskom okanye ngumasipala waloo ndawo sikuyo isikolo, njengoko kusebenza oku, ukuba zifuna ukufakelwa iimitha zombane ohlawulelwa ungekasetyenziswa.

4. Apho kuye kwaqatshelwa ukuba izikolo azizihlawuli ii-akhawunti zazo zeenkonzo zikamasipala, iSebe iWCED linelungelo lokuyibamba lingayikhuphi imali eyabelwe ezo zikolo ngokwesabelo seN&S ukwenzela ukuhlawula ezo zixa-mali zee-akhawunti zeenkonzo zikamasipala zingahlawulwanga egameni lezikolo ezichaphazelekayo.

5. Zonke izikolo ezivumayo ukuba yinxenye yephulo elilingwayo lokonga amanzi i-smart water meter pilot nezineemitha zamanzi ii-smart water meters ezifakwe ezikolweni mazigcine isabelo-mali kwisabelo sikamasipala sokuhlawula iintlawulo zaqho ngenyanga zeemitha ii-smart water meters.

1. Ulondolozo lwemihla ngemihla luthetha ukulungiswa kwamabala, ukucocwa, ukuhlaziywa, nokulungiswa kunye/okanye ukukhutshwa kwezinto ezonakeleyo kufakwe ezinye kwizakhiwo zesikolo. Malwenziwe qho ulondolozo lwemihla ngemihla, ukwenzela ukuthintela ukugxagxiseka kwezakhiwo zesikolo de zifune ulungiso olungxamisekileyo lomonakalo omkhulu nobiza imali enkulu ngenxa yokungahoywa.

2. Apho singanelanga isabelo-mali se-N&S solondolozo lwemihla ngemihla, izikolo zilindeleke ukuba ziyongeze zona ngokwazo imali yesabelo kwiingeniso yazo, apho oku kuyimfuneko.

3. Izikolo mazizenzele ngokwazo ibhajethi yolondolozo lwemihla ngemihla ngokungqinelana nemeko yezakhiwo namabala azo.

4. Izikolo ngokunjalo mazibekele bucala isixa-mali esabelwe sona sokusetyenziswa kulondolozo lwemihla ngemihla ukulungiselela:
   
   1. ukulondololozwa kwezixhobo zomsebenzi ezisetyenziswa ekuphuculeni amabala esikolo, umz. ukulungiswa kwemowa, ukuthenga ipeyinti yezitulo ezisemabaleni esikolo, ukuthenga ikalika (lime) nesichumiso (fertiliser);
   2. ukulondolozwa kwezixhobo zokucima umlilo o.k.t imibhobho, iirili (reels) zokucima umlilo, nezinye izixhobo zokucima umlilo ezifanelekileyo njl.njl.;
   3. ulondolozo olungxamisekileyo lwezixhobo neenkqubo zokhuseleko nokhuselo (security or guarding mechanisms) - xa zonakale izixhobo zokhuseleko ezikhoyo esikolweni (kubandakanywa iigeyithi ezizivulekelayo nezizivalekelayo (automatic gates), iimotho zeegeyithi njl.njl.) kukuqhekezwa, ukonakaliswa ngabom okanye kukuba ziphelelelwe lixesha; kunye
   4. nokulondolozwa kweengcingo nezinye izixhobo zokhuseleko (umz. ii-alam, ii-intakhom, njl.njl.).
5. Isabelo-mali se-N&S masingaze sisetyenziselwe ulondolozo lwezixhobo lwemihla ngemihla kwiihostele zokuhlala. Olu hlobo lolondolozo maluxhaswe ngemali yeefizi zabafundi yokuhlala ehostele nangeebhasari.

• Ukuhlawula abasebenzi abaqeshwe libhunga lolawulo
• Izakhiwo ezitsha
• Inkcitho kwiihostele
• Iimali-mboleko ezinikwa abantu okanye amanye amaziko
• Izithuthi

Ngokomhlathi 97 weNNSSF, iSebe iWCED liyalwamkela uxanduva lolungiso olungxamisekileyo lwezakhiwo ezonakeleyo, ngokuxhomekeka ekubeni ikho imali ebhajethelwe ukwenza olo lungiso lwezakhiwo. Ezi ntlobo zolungiso lomonakalo zilandelayo ziya kuqwalaselwa ngokungqinelana neenkqubo ezikuXwebhu Standard Operating Procedures for Emergency Maintenance in Western Cape Schools, 2014:

Ngokwesiqendu 36 (1) soMthetho weZikolo zaseMzantsi Afrika, (uMthetho 84 ka-1996), amabhunga olawulo makathathe onke amanyathelo afanelekileyo okongezelela kwisabelo esikhutshwa nguRhulumente ukwenzela ukuphucula umgangatho wemfundo efundiswa sisikolo kubo bonke abafundi esikolweni. Nangona izikolo ezingabizi zifizi kunyanzelekile ukuba zingabizi zifizi (kubandakanywa neefizi zobhaliso), ziyakhuthazwa ezi zikolo ukuba ziqokelele iminikelo ekhutshwa ngokuzithandela (voluntary contributions) yaye zenze izinto/imisebenzi okunyusa ingxowa (fund-raising actvities).

Zonke iifom WCED 043 ezingekangeniswa zezikolo eziphantsi kwesiqendu 21 mazingeniswe phambi okanye ngoLwesine we-31 Januwari 2019, kwi-ofisi yesithili ukuthintela ukuphulukana neemali ezingekahlawulwa.