1. Ulwabiwo-mali kwiBakala R
1.1 Ukufikelela kwingcaciso

Iinkcukacha zolwabiwo-mali ngokwemimiselo nemigangatho (N&S allocation) yolwabiwo-mali yeBakala R kunyaka-mali oqala ngowe-01 Apreli 2019 ukuya kowe-31 Matshi 2020 ziyafumaneka kwi-CEMIS yaye zingafikelelwa ngale ndlela ilandelayo:

  • Ngokuloga kwi-CEMIS.
  • Ngokuklikha ku-"Proceed" ukhethe u-"Administration" kwi-menu bar, uklikhe ku-"Norms and Standards Allocation" uze ukhethe u-"N&S 2019".
  • Ngokuprinta ikhasi elo.

Kucelwa uqwalasele oku kulandelayo:

Ulwabiwo-mali lwenziwa ngokweMimiselo neMigangatho kaZwelonke i-National Norms and Standards for Grade R Funding, njengoko ifakelwe izilungiso kwiGazethi kaRhulumente No. 29179 yowe-31 Agasti 2006.

Ileta yesabelo senkxaso-mali ibandakanya ucazululo olucacisiweyo lwesabelo esiqikelelweyo sonyaka-mali 2019/20, kwakunye nezabelo zethutyana zoonyaka-mali ababini abezayo, o.k.t. u-2020/21 no-2021/22.

Zonke izabelo zabalwa ngokwamanani obhaliso lwabafundi kwi-CEMIS.
1.2 Ukubalwa kolwabiwo-mali yeBakala R

Kuvunyiwe ukuhlawulwa kwenkxaso-mali kubafundi abakobu budala beminyaka bulandelayo (ngo-2019) abakwiiklasi ezivunyiweyo kwizikolo zikarhulumente eziqhelekileyo, kumaziko e-ECD abhalisiweyo nakumaziko azimeleyo ukususela ngowe-01 Apreli 2019:

  1. Abafundi abaza kuba neminyaka eyi-5 phambi kowe-30 Juni
  2. Abafundi abaneminyaka eyi-5 abaza kuba neminyaka eyi-6
  3. Abafundi abaneminyaka eyi-6 abaza kuba neminyaka eyi-7 (abaxolelweyo ekuhambeni isikolo kwiminyaka yobudala ngokunyanzelekileyo)
1.2.1 Izikolo zikarhulumente eziqhelekileyo (zonke izikolo ezilawulwa ngurhulumente ezifundisa iBakala R):

Inkxaso-mali ngomfundi ngamnye (Per capita subsidy):

I-National Quintile (NQ) Imeko yeefizi yeziko/yesikolo Isixa esihlawulwa ngomfundi ngamnye ngosuku
NQ1-NQ5 Akuhlawuliswa zifizi R 28
NQ4 Kuhlawuliswa iifizi R 21
NQ5 Elihla Kuhlawuliswa iifizi R 20

Isixa sesabelo-mali seziBonelelo zokuXhasa ukuFunda nokuFundisa (LTSM):
Kwizikolo ezingahlawulisi zifizi, kuhlawulwa isixa esiyi-R2 237 ngenyanga ngeklasi nganye efundiswa ngutitshala/yipraktishina nganye ehlawulwa liSebe leMfundo leNtshona Koloni (iWCED).

Esona sixa sesabelo-mali sisezantsi:
Zonke izikolo zikarhulumente eziqhelekileyo ezinabafundi abangaphantsi kwabayi-25 zinelungelo lokufumana inkxaso-mali eyeyona isezantsi eyi-R137 796 ngonyaka yaye izikolo ezinabafundi abanganeno kwi-10 ziya kufumana isixa esiyi-R124 374 ngonyaka.
1.2.2 Izikolo eziziipri-prayimari zikarhulumente:

Isikolo esiyipri-prayimari karhulumente ngasinye siya kufumana kuphela isabelo-mali se-N&S esiyi-R20 ngomfundi ngamnye ngosuku ngalunye.
1.2.3 Amaziko azimeleyo (zonke izikolo ezilawulwa bucala ezifundisa iBakala R):

Inkxaso-mali ngomfundi ngamnye (Per capita subsidy):

Imeko yezemali yeziko Isixa esihlawulwayo ngomfundi ngamnye ngosuku
Elingahlawulisi zifizi R 28
Elihlawulisa iifizi R 20


2. Amabango nentlawulo yenkxaso-mali yeBakala R
2.1 Kubaluleke gqitha ukuqaphela ukuba:

  • bonke abafundi beBakala R mabafakwe/mababhaliswe kwi-CEMIS;
  • umfundi weBakala R ngamnye makabe uyinxalenye yeBakala R; nokuba
  • utitshala/ipraktishina yeBakala R mayibe iyinxalenye yeklasi nganye yeBakala R.

Kuphela kusemva kokuba kwenzekile oku kungentla, apho kunokungeniswa ibango lentlawulo yenkxaso-mali yeBakala R.
2.2 Njengenkqubo eyenzeka okokoko, amabango enkxaso-mali yeBakala R makangeniswe zizikolo/ngamaziko ngokusebenzisa i-CEMIS ngale ndlela ilandelayo:

  • Ngokuloga kwi-CEMIS.
  • Ngokuklikha ku-"Proceed" ukhethe u-"Administration" kwi-menu bar uze uklikhe ku-"Gr R Subsidy".
  • Ngokukhetha u-"Submit Application".

Uyacelwa uzalise amacandelo achaphazelekayo njengoko kufunekayo uze uluprinte uxwebhu lwebango lwenkxaso-mali yesikolo ngeenjongo zokugcinwa kweerekhodi emva kokuba ibango lingenisiwe. Ibango lenkxaso-mali lesikolo liya kungeniswa ngekhompyutha kwi-ofisi yesithili echaphazelekayo. Akukho manyathelo angamanye aya kufuneka esikolweni.

Kucelwa ukuba ufunde i-Grade R Subsidy Claim Application System User Manual ukufumana isikhokelo esicacisiweyo senyathelo nenyathelo lokungenisa ibango lenkxaso-mali ngempumelelo.

Inani lilonke leentsuku eziyi-200 kunyaka wokufunda ziya kusetyenziswa ekubaleni inkxaso-mali, inxalenye yayo eyi-50% yesabelo iya kuhlawulwa ngethuba lokuhlawulwa kwesixa sesavenge sika-Apreli ize i-50% eseleyo ihlawulwe ngethuba lokuhlawulwa kwesixa sesavenge sika-Oktobha.
2.3 Amaxesha amisiweyo

Imihla yenkqubo ka-2019:

Isixa sesavenge esihlawulwa ngo-Apreli (IKota 2 no-3 zonyaka wesikolo ka-2019)
Umhla Okuqhubekayo
04 Matshi 2019 Kuvulwa i-CEMIS ukwenzela ukungenisa amabango
15 Matshi 2019 Umhla wokugqibela wokungeniswa kwamabango zizikolo/ngamaziko azimeleyo

Kucelwa uqaphele: Amabango akanakungeniswa ukuba aye ahlawulwa emva kwalo mhla
12 Apreli 2019 Ii-ofisi zezithili zigqiba iinkqubo zengcebiso nezokuvunywa kwamabango kwi-EduInfosearch zize zisayinele ibango ngalinye.
15 Meyi 2019 Umhla wokugqibela wentlawulo yenkxaso-mali kwizikolo/kumaziko

Isixa sesavenge esihlawulwa ngo-Oktobha (IKota 4 yonyaka wesikolo ka-2019 neKota 1 yonyaka wesikolo u-2020)
Umhla Okuqhubekayo
02 Septemba 2019 Kuvulwa i-CEMIS ukwenzela ukungeniswa kwamabango
15 Septemba 2019 Umhla wokugqibela wokungeniswa kwamabango zizikolo/ngamaziko azimeleyo

Kucelwa uqaphele: Amabango akanakungeniswa ukuba aye ahlawulwa emva kwalo mhla
12 Apreli 2019 Ii-ofisi zezithili zigqiba iinkqubo zengcebiso nezokuvunywa kwamabango kwi-EduInfosearch zize zisayinele ibango ngalinye
15 Meyi 2019 Umhla wokugqibela weentlawulo zenkxaso-mali kwizikolo/kumaziko

2.4 Okuqhubekayo kwibango

Kunokulandelelwa okuqhubekayo kwiCEMIS kwibango ngale ndlela ilandelayo:

  • Ngokuloga kwi-CEMIS.
  • Ngokuklikha ku-"Proceed" uze ukhethe u-"Administration" kwi-menu bar uze uklikhe ku-"Gr R Subsidy".
  • Ngokukhetha u-"Claim status".
3. Izikolo ezingahlawulisi zifizi ezifundisa iBakala R

Izikolo ezingahlawulisi zifizi ezifumana inkxaso-mali yeBakala R kuRhulumente azivumelekanga ukuhlawulisa ifizi zesikolo kubafundi beBakala R (funda isikhokelo i-National Financial Management Guidelines in Respect of Schools Offering Grade R Classes, October 2009, kwikhasi 4).

Abazali basengacelwa benze igalelo eliyintlawulo ngokuzithandela (voluntary contributions). Ezi ntlawulo azinyanzelekanga yaye akuvumelekile ukuba zisetyenziselwe ukuvalela ngaphandle abafundi abanabazali abangenako ukwenza igalelo elilolo hlobo.

4. Ukusetyenziswa kwesabelo seBakala R
4.1 Umvuzo katitshala/wepraktishina yeBakala R

Kukhunjuzwa izikolo ootitshala/iipraktishina zeBakala R kuzo zonke izikolo ukuba mazifumane isixa esipheleleyo esiyi-80% esisabelo senkxaso-mali nesihlawulwa ngomatshini kabini ngonyaka (biannually).

Amabhunga olawulo ezikolo ze-NQ4 no-NQ5 makawongeze umvuzo katitshala/wepraktishina yeBakala R ukwenzela ukuba utitshala/ipraktishina ifumane isixa esingaphezulu kwesona sixa somvuzo sisezantsi se-R9 246 ngenyanga.

Ootitshala/iipraktishina zeBakala R ezikwizikolo ezingahlawulisi zifizi zinelungelo lokufumana isixa esipheleleyo esiyi-80% senkxaso-mali.
4.2 IziBonelelo zokuXhasa ukuFunda nokuFundisa (LTSM)

Ezinye iipesenteji ezilishumi ekhulwini (10%) zenkxaso-mali zabelwa i-LTSM kubandakanywa ne-LTSM esetyenziswa ngaphakathi nangaphandle eklasini ukwenzela ukunceda abafundi beBakala R.
4.3

Ezinye iipesenteji ezilishumi ekhulwini (10%) zenkxaso-mali zabelwa ukuhlawulwa kwee-akhawunti zokwenziwa kweenkonzo (utility accounts) zesikolo ezifana neentlawulo zeefoni, ii-akhawunti zamanzi nezombane, oomatshini bokufotokopa nokuprinta, izinto zokucoca nokulondoloza iklasi (iiklasi) yeBakala R, nazo naziphi ezinye iinkonzo ezifunwa ngootitshala/ziipraktishina zeBakala R.

5. Iimfuno ezimiselweyo zokunika ingxelo

Makulandelwe iimfuno ezimiselweyo zokunika ingxelo eziqhelekileyo njengoko zichaziweyo zii-ofisi zezithili, ukuqalisa ukwenza intlawulo yenkxaso-mali elandelayo.

6. Iileta zesabelo-mali sokugqibela

Iileta zezabelo-mali zokugqibela (ezisekelwe kumanani obhaliso esaveyi ye-SNAP) ziya kupapashwa kwi-CEMIS ungadlulanga owe-15 Matshi 2019.

7. Iinombolo zoqhagamshelwano xa kukho imibuzo

Umbandela Igama Ifoni
Izabelo ze-N&S, iintlawulo ngoomatshini eziya kwizikolo neminye imibuzo enxulumene neenkxaso-mali zeBakala R&S allocations) Qhagamshelana nomphathi we-ECD ochaphazelekayo kwinqanaba lesithili Yileyo ye-ofisi yesithili echaphazelekayo
Iintlawulo ezinxulumene ne-CEMIS Qhagamshelana noMphathi we-ECD ochaphazelekayo kwinqanaba lesithili Inombolo yoqhagamshelwano yokunika inkxaso ye-CEMIS iyafumaneka phantsi kokukhetha i-"CEMIS Support" kwi-menu


ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2018:09:28

"Government Gazette No. 29179"  (ubukhulu: 891 KB)