| 1. |
UMphathiswa weMfundo esiSiseko wapapasha ukutshitshiswa komqathango othintela abafundi be-Accounting ukuba bafunde iMathematics kuphela kwiSaziso sikaRhulumente No. 1402, kwiGazethi kaRhulumente No. 41321 yomhla we-15 Disemba 2017 ngokungqinelana neemfuno ezimiselweyo zoMthetho woMgaqonkqubo weMfundo kaZwelonke (NEPA), 1996 (uMthetho 27 ka-1996). |
| 2. |
Ngenxa yeso sizathu iSetyhula 0046/2017 (esuselwa kwiSetyhula S13 ka-2017) yakhutshwa ngowe-04 Disemba 2017 emalunga nokutshitshiswa kwalo mqathango. |
| 3. |
ISebe leMfundo esiSiseko (ISebe iDBE) lithathele ingqalelo iziphumo zoku kuqaliswa kwalo mqathango yaye ke ngoko likhupha umyalelo wokuba abafundi ababedlelwe indlala ngulo mqathango kwiBakala 10 ngo-2017, bamele ukuvunyelwa basitshintshe isifundo (izifundo) ukuba banqwenela ukwenza ngolo hlobo ukulungiselela ukungqinelana nezilungiso ezifakelwe kumgaqo-nkqubo omtsha. |
| 4. |
Ngako oko abafundi ababhalisiweyo kungokunje kwiBakala 11 ngo-2018 abakhetha i-Accounting banako ukuyidibanisa neMathematics okanye ne-Mathematical Literacy. Oku kufakelwa kwezilungiso kumgaqo-nkqubo ke ngoko kuya kusebenza nakwiBakala 12 ngo-2019. |
| 5. |
Izikolo ke ngoko ziya kuvunyelwa zizifake izicelo zokutshintshwa kwezifundo zazo ezimalunga nokutshitshiswa komqathango we-Accounting, kude kube ngowe-30 Juni 2018. |
| 6. |
Izithili zemfundo kufuneka zizivume ezi nguqu ungadlulanga owe-31 Julayi 2018. |
| 7. |
Abafundi baya kubanako ukukhetha ukuzitshintsha izifundo zabo ngokukhawuleza kangangoko kunokwenzeka. Esi sigqibo masenziwe sibe sesilungiselela umfundi ngeyona ndlela ibhetele yaye masenziwe ngencwadi ebhaliweyo kunye nabazali/nabagcini babafundi. |
| 8. |
Ziyacelwa iinqununu ukuba zazise ngale ngcaciso kubo bonke abafundi beBakala 11, bangoku, abazali/abagcini babafundi nootitshala, ukuze bayithathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2018:05:15
|
 |