2. |
Iimviwo zokuxabangela zeNSC zicwangciselwe ukuba ziqale nge-19 Februwari 2018 zize zigqitywe nge-27 Matshi 2018. |
3. |
Olu iya kuba luviwo lokuxabangela lokugqibela kuba, ukususela ngo-2019, zimbini kuphela iimviwo eziya kubhalwa – olwangoJuni 2019 nolwangoNovemba 2019. |
4. |
Ziiseshoni zimbini zoviwo ezicwangciselwe usuku ngalunye. Iseshoni yakusasa iya kuqala ngo-09:00, ize iseshoni yasemva kwemini iqale ngo-14:00. |
5. |
Kuya kusekwa amaziko okubhalela iimviwo zokuxabangela zeNSC kwizikolo eziziisekondari nakwezinye iindawo zokubhalela iimviwo, njengoko kumiselweyo liSebe leMfundo leNtshona Koloni (iWCED). |
6. |
Kuphela ngabagadi babaviwa bangaphandle ababebandakanyeke ekuqhutyweni kweemviwo zangoNovemba 2017 zeNSC abaya kusetyenziswa ekugadeni ezi mviwo, njengoko kukhankanyiweyo kwiimvumelwano zabo ezisayiniweyo. Umgadi wabaviwa oneqhuzu (senior invigilator) wango-2017 uya kusebenza njengomgadi wabaviwa oyintloko kuviwo lokuxabangela lweNSC lwango-2018. |
7. |
Umgadi wabaviwa oyintloko makaqiniseke ukuba abaviwa bangena kwindawo yokubhalela uviwo kwimizuzu eyi-35 phambi kwexesha lokuqalisa elisemthethweni leseshoni yoviwo. Eli xesha liya malisetyenziswe ngale ndlela ilandelayo: |
7.1 |
Imizuzu eyi-25 yokuqala mayisetyenziselwe ukuhlalisa abaviwa kwizitulo ezichanekileyo zabo, ukukhupha amaphepha emibuzo, njl. njl. |
7.2 |
Kwimizuzu elishumi eshiyekileyo abaviwa mabanikwe ithuba lokufunda lonke iphepha lemibuzo. |
7.3 |
Akuvumelekile ukubhala okanye ukwenziwa kweenowuthsi ngalo naliphi na ixesha kwithuba lemizuzu eyi-35. Nakuphi na ukwaphulwa kwalo mthetho kuya kuba sisitenxo (an irregularity). |
8. |
Iifom zokubhalisela iimviwo zokuxabangela zeNSC zathunyelwa kubo bonke abaviwa abakufaneleyo ukuhlalela uviwo. |
9. |
Ithayimtheyibhile yokugqibela yeemviwo zokuxabangela zeNSC zango-2018 iya kufumaneka kwakhona kwiziko lewebhu leWCED apha: https://wcedonline.westerncape.gov.za. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2018:01:02
|
|