1. UMmiselo otshitshisiweyo oyi-D2/V/I of the Public Service Regulations (PSR), 2001, owawupapashwe kwiGazethi kaRhulumente No. R.1 yowe-05 Januwari 2001, wagqiba ngokubhekisele kwi-ovathayim ukuba ugunyaziwe olawulayo unokumbuyekeza umqeshwa xa esebenze i-ovathayim ukuba ngaba,
1.1 umqeshwa akayonxalenye yeNkonzo yaBaphathi aBakhulu (Senior Management Service) (SMS); kwaye
1.2 ngaphandle kwakwiimeko ezinxaxhileyo, imbuyiselo yaqho ngenyanga ye-ovathayim inganeno kwe-30% yomvuzo womqeshwa waqho ngenyanga.

2. Ngokubhengezwa kwePublic Service Regulations (PSR), ka-2016, eyayipapashwe kwiGazethi kaRhulumente No. 40167 yange-29 Julayi 2016, uMmiselo 49(1) ucacisa ukuba ugunyaziwe olawulayo uya kumbuyekeza umqeshwa, oku akungabhekiswanga kulowo ulilungu leSMS, ngomsebenzi we-ovathayim ukuba imbuyiselo yenyanga ye-ovathayim inganeno kwe-30% yomvuzo womqeshwa waqho ngenyanga okanye umqathango ogqitywe nguMphathiswa, nokuba sesiphi isixa esinganeno.

3. Ngokumalunga nabaqeshwa abaneenotshi zomvuzo ezingaphezu kwenotshi 1 yenqanaba lomvuzo 8, inotshi esezantsi ekuqingqwe kuyo imbuyiselo ye-ovathayim, umqathango we-30% usebenza kumvuzo ongekaxhuzulwa (basic salary) oyi-R281 418 qho ngonyaka. Lo mvuzo usandula ukuchazwa ulungelelwaniswa qho ngonyaka kunye neendleko ngokubanzi ezilungiselelwe ukuphila (general cost of living adjustment).

4. Iinguqu ezibaluleke gqitha ezaye zaziswa kunye noMmiselo 49(1), ekubhekiselwe kuzo ngentla zezokuba:
4.1 intlawulo ye-ovathayim yomqeshwa yaqho ngenyanga ngoku iqingqwe yangu-30% womvuzo waqho ngenyanga okanye umqathango ogqitywe nguMphathiswa, nokuba kokuphi okunganeno, kwakhona ingabi ngaphezu kwe-R281 418 ngokubhekisele kwinqanaba lomvuzo 8; kwaye
4.2 ugunyaziwe olawulayo akasenalo igunya lokuvuma imbuyiselo ye-ovathayim ukuba igqithe ku-30% womvuzo womqeshwa waqho ngenyanga ngenxa yeemeko ezinxaxhileyo.

5. Ngokubhekisele kokukhankanywe ngentla, zonke izigunyaziso ze-ovathayim ezaziphawulelwe ukugqitha kumthetho we-30% ziya kufakwa kwii-akhayivu kwenziwe ugunyaziso lwe-ovathayim olutsha.
6. Kucelwa wazise okukule setyhula bonke abaqeshwa abaphantsi kolawulo lwakho ukuze bakuthathele ingqalelo. Kwakhona, fumana kuqhotyoshelwe apha ifom ye-ovathayim efakelwe izilungiso ukuze inikwe kwaye isetyenziswe ngabachaphazelekayo.


ISAYINWE: NGU-LJ ELY
USEKELA MLAWULI-JIKELELE WEMICIMBI YESEBE
UMHLA: 2018:03:23

"Compensation for overtime application form"  (ubukhulu: 63 KB)