| 1. |
Ingesluit is 'n afskrif van die finale rooster vir die Mei.Junie 2018 Senior Sertifikaat (SS) - eksamen. |
| 2. |
Die eksamen is geskeduleer om op 22 Mei 2018 te begin en op 29 Junie 2018 ten einde te loop. |
| 3. |
Twee eksamensessies is vir elke dag geskeduleer. Die oggendsessie sal om 09:00 begin en die namiddagsessie om 14:00. |
| 4. |
Eksamensentrums vir die afneem van die Senior Sertifikaat-eksamen sal deur die Wes-Kaap Onderwysdepartement (WKOD) bepaal word. |
| 5. |
Wat betref die toelating van kandidate tot die eksamenlokaal, moet opsieners seker maak dat elke kandidaat sy of haar toelatingsbrief en identiteitsdokument/-kaart toon. Opsieners moet hierdie toelatingsvereiste streng toepas. 'n Kandidaat wat egter nie die vereiste dokument(e) kan toon voordat hy of sy by die eksamenlokaal binnegaan nie, moenie verhoed word om daardie spesifieke eksamen te skryf nie. Die betrokke kandidaat moet die volgende dag die vereiste dokument(e) toon. Indien daardie kandidaat nalaat om dit te doen, moet 'n onreelmatigheid verklaar word en die normale prosedure wat op onreelmatighede betrekking het, moet gevolg word. |
| 6. |
Die hoofopsiener moet seker maak dat kandidate die eksamenlokaal 35 minute voor die amptelike aanvangstyd van die eksamensessie binnegaan. Hierdie tyd moet soos volg benut word: |
| 6.1 |
Die eerste 25 minute moet gebruik word om die kandidate in hul korrekte sitplekke te laat sit, die vraestelle en antwoordboeke uit te deel en die eksamenregulasies voor te lees. |
| 6.2 |
Gedurende die oorblywende 10 minute moet kandidate die geleentheid kry om deur die vraestel te lees. |
| 6.3 |
Niemand mag gedurende enige deel van hierdie 35 minute skryf of aantekeninge maak nie. Enige oortreding van hierdie reel sal as 'n onreelmatigheid beskou word. |
| 6.4 |
Kandidate moet ophou skryf op die tyd wat op die eksamenrooster aangedui word. |
| 7. |
Verteenwoordigers van die WKOD, Umalusi en die Departement van Basiese Onderwys sal die eksamenprosesse by die eksamensentrums monitor. |
| 8. |
Bring asseblief die inhoud van hierdie omsendbrief onder die aandag van alle kandidate wat van voorneme is om die Mei.Junie 2018 SS-eksamen te skryf. |
GETEKEN: LJ ELY
WAARNEMENDE HOOF: ONDERWYS
DATUM: 2018:01:25
|
 |