| 1. |
Ingesluit is 'n afskrif van die finale rooster vir die Oktober–November 2018 Nasionale Senior Sertifikaat-eksamen. |
| 2. |
Die eksamen is geskeduleer om op 22 Oktober 2018 te begin en op 28 November 2018 ten einde te loop. Die Rekenaartoepassingstegnologie (RTT) Vraestel 1 en Inligtingstegnologie (IT) Vraestel 1 praktiese eksamens sal onderskeidelik op 15 en 16 Oktober 2018 geskryf word. |
| 3. |
Twee eksamensessies is vir elke dag geskeduleer. Die oggendsessie sal om 09:00 begin en die namiddagsessie om 14:00. |
| 4. |
Normale klasse moet tot 12 Oktober 2018 voortgaan om soveel onderrigtyd as moontlik te verseker. Prinsipale van skole mag besluit om die graad 12-leerders van 2018 toe te laat om vanaf 15 Oktober 2018 tuis te studeer om vir die NSS-eksamen voor te berei. |
| 5. |
Prinsipale moet alle kandidate wat die NSS-eksamen skryf, inlig dat hulle hul skooluniforms moet dra wanneer hulle eksamen skryf en tot op die laaste dag van die skoolkwartaal (12 Desember 2018) beskikbaar moet wees ingeval dit, om welke rede ook al, nodig sou wees om die skryf van 'n bepaalde vraestel te herskeduleer. |
| 6. |
Bring asseblief die inhoud van hierdie omsendbrief onder die aandag van alle kandidate wat van voorneme is om die Oktober–November 2018 NSS-eksamen te skryf. |
GETEKEN: LJ ELY
WAARNEMENDE HOOF: ONDERWYS
DATUM: 2018:01:25
|
 |