| 1. |
Die Kurrikulum- en Assesseringsbeleidsverklaring (KABV) vir Rekeningkunde en Besigheidstudies bepaal dat die eksamens vir hierdie vakke uit EEN 3-uur vraestel van 300 punte moet bestaan. |
| 2. |
Die Raad van Onderwysministers het die verdeling van die huidige vraestelle vir Rekeningkunde en Besigheidstudie goedgekeur en die vraestelle sal nou uit TWEE 2-uur vraestelle van 150 punte elk bestaan. |
| 3. |
Die KABV vir Rekeningkunde bepaal dat Bestuur van Hulpbronne tydens die onderrig en assessering van die ander twee hoofonderwerpe geintegreer moet word. Hierdie beginsel sal gehandhaaf word. Leerders sal ook 'n formuleblad ontvang. |
| 4. |
Die nuwe struktuur en formuleblaaie van die vraestel vir Rekeningkunde is hierby aangeheg as Bylae A. |
| 5. |
Die nuwe struktuur en formaat van elke vraestel vir Besigheidstudies is hierby aangeheg as
Bylae B. |
| 6. |
Die datums vir inwerkingstelling is soos volg:
- 2018: Grade 10;
- 2019: Grade 11; en
- 2020: Grade 12.
|
| 7. |
Prinsipale word vriendelik versoek om die inhoud van hierdie omsendbrief onder die aandag van alle betrokke onderwysers te bring. |
GETEKEN: BK SCHREUDER
HOOF: ONDERWYS
DATUM: 2018:01:23
|
 |