| 1. |
Die Wes-Kaap Onderwysdepartement (WKOD) wil graag die aandag van alle openbare skole daarop vestig dat Omsendbrief: 0030/2017, gedateer 06 September 2017, steeds van krag is, maar met die volgende wysigings waaraan aandag geskenk en toegepas moet word: |
| 1.1 |
Die Bylae A3 is gewysig en alle openbare skole moet die gewysigde Bylae A3 met hul aansoeke gebruik. |
| 1.2 |
Alle openbare skole moet die assesseringskaal gebruik om eenvormigheid te verseker en onnodige vertragings tydens die administrasie van hul aansoeke te voorkom. |
| 2. |
Alle openbare skole word versoek om hulself vertroud te maak met die aangehegte aansoekprosedure wanneer hulle om artikel 38A aansoek doen om te verseker dat hul aansoeke korrek ingedien word. |
| 3. |
Beheerliggame word ingevolge artikel 38A(8) van die SASW versoek om te verseker dat die uitgawes ten opsigte van artikel 38A(8) duidelik gemerk word as 'n item op die goedgekeurde begroting wat jaarliks in Desember by die distrikskantoor ingedien moet word. |
| 4. |
Alle openbare skole word daaraan herinner dat artikel 38A-aansoeke jaarliks vanaf 01 Augustus ingedien moet word, soos uiteengesit in Omsendbrief: 0030/2017. |
| 5. |
Aangesien alle openbare skole aangemoedig word om regdeur die jaar addisionele aansoeke vir nuwe personeellede in te dien, is daar geen sluitingsdatum nie. Beheerliggame word egter daaraan herinner om te verseker dat daar vir voldoende befondsing begroot is om voorsiening te maak vir addisionele aansoeke, soos in paragraaf 3 hierbo uiteengesit. |
| 6. |
Beheerliggame word daar herinner om slegs van die aangehegte Bylaes A1, A2 en A3, soos deur die WKOD voorsien, gebruik te maak. Bylaes op skoolbriefhoofde of enige ander gewysigde bylaes sal nie aanvaar word nie en sodanige aansoeke sal as onvolledig beskou word. Bylaes A1, A2 en A3 moet deur die voorsitter van die beheerliggaam, soos aangedui op die aangehegte vorms, onderteken word. Let daarop dat ongetekende bylaes as onvolledig beskou sal word. |
| 7. |
Nienakoming van die prosedure wat in hierdie omsendbrief en die aansoekprosedure uiteengesit is, sal tot 'n moontlike afkeuring van die aansoek lei. |
| 8. |
Bring asseblief die inhoud van hierdie omsendbrief onder die aandag van alle betrokke rolspelers. |
GETEKEN: BK SCHREUDER
HOOF: ONDERWYS
DATUM: 2018:10:13
|
 |