Die voorlopige norme-en-standaarde (N&S)-toewysings vir nie-artikel 21-skole vir die volgende drie jaar, vir die tydperk vanaf 01 April 2019 tot 31 Maart 2022, is op SOBIS beskikbaar. Toegang daartoe kan soos volg verkry word:

• Teken aan op SOBIS.
• Kies "Public Ordinary".
• Kies skool.
• Klik op "Proceed" en kies dan die "Administration"-opsie op die kieslys en klik op "Norms and Standards Allocation" en kies "N&S 2019/20".
• Druk die bladsy.

Let asseblief op die volgende:

Nasionale Teikentabel vir die skooltoewysing graad 1�12 (2019�2021)

Die fondse wat ooreenkomstig hierdie omsendbrief toegewys is, moet teen 31 Maart 2020 bestee wees.

Die WKOD 032-vorm moet op die finale toewysing gebaseer wees, soos in 1.4 hierbo genoem.

Nie-artikel 21-skole moet voor 05 April 2019 hul N&S-toewysing vir die boekjaar wat op 31 Maart 2020 eindig op die WKOD 032-vorm in die vier kategorie� indeel, naamlik leer- en onderrigondersteuningsmateriaal (LOOM), plaaslike aankope, munisipale dienste en instandhouding. By ontvangs van die voltooide WKOD 032-vorm sal die WKOD die begrotings noukeurig bestudeer. Skole sal verwittig word indien hul vorms nie in orde is nie en versoek word om hersiene WKOD 032-vorms in te dien.

Daar word vir 2019/20 aanbeveel dat skole hul beskikbare toewysing soos volg tussen die onderskeie uitgawekategorieë verdeel:

• 30% vir LOOM bestellings vir 2020 waarvan 10% spesifiek vir biblioteekmateriaal gereserveer moet wees (elke leerder moet 'n handboek vir elke vak hê). Die voorraad skoolbiblioteekmateriaal moet jaarliks aangevul word totdat die totale getal items die minimum van die internasionale standaarde van 10 items per leerder weerspieël. (Kyk paragraaf 3.1.1 hieronder vir die lys met items wat onder LOOM val.)
• 20% vir plaaslike aankope
• 25% vir munisipale dienste. (Skole moet egter begroot vir 'n groter persentasie as uitgawetendense dit noodsaak.)
• 25% vir instandhouding

Die verskuiwing van fondse op die WKOD 032-vorm moet teen 16 September 2019 gefinaliseer wees.

1. Die Departement van Basiese Onderwys (DBO) definieer LOOM as enige materiaal wat onderrig en leer direk in die klaskamer of by die huis (tuiswerk) ondersteun en fasiliteer. Dit sluit die volgende in:
   
   1. Handboeke, leesboeke, naslaanboeke, voorgeskrewe werke, atlasse en woordeboeke
   2. Werkboeke
   3. Plakkate, kaarte en muurkaarte
   4. Opvoedkundige bordspeletjies
   5. Biblioteekmateriaal (fiksie en niefiksie), naslaanboeke, plakkate, en videos wat vooraf opgeneem is, DVD's, CD's, multimedia, ens.
   6. Rekenaarsagteware en lisensies
   7. Hulpbronmateriaal vir opvoeders, leerders, klaskamers en biblioteke

2. Daar word van skole verwag om hul volle LOOM-toewysing te gebruik vir die aankoop van LOOM wat die implementering van die Kurrikulum en Assesseringsbeleidsverklaring (KABV) in hul klaskamers sal verryk en versterk. Skole word dus aangemoedig om hul LOOM-toewysing vir die aankoop van aanvullende handboeke, voorgeskrewe werke, atlasse, woordeboeke, werkboeke, plakkate, kaarte, muurkaarte, opvoedkundige bordspeletjies, biblioteekmateriaal (fiksie en niefiksie), naslaanboeke, video-opnames, DVD's, CD's, rekenaarsagteware, sowel as toerusting vir Verbruikerstudies en Gasvryheidstudies en die wetenskaplaboratoriumtoerusting te benut.

3. LOOM-befondsing behoort ook vir intekengeld, aanlyn aansoeke en die hernuwing van kontrakte of eiendomsreg op digitale hulpbronne gebruik te word. Dit stel skole in staat om LOOM-befondsing te gebruik om digitale hulpbronne aan te skaf in hulle oorgang van tradisionele na digitale leer. Sulke hulpbronne sluit e-boeke sowel as opvoedkundige sagteware in. Die koste daaraan verbonde is tans soortgelyk aan tradisionele gedrukte handboeke en daar is min/geen noemenswaardige vermindering in koste nie. Daar moet voorsiening gemaak word sodat skole op hierdie dienste/produkte kan inteken.

4. Onderhewig aan die volgende voorwaardes, kan skole minder geld aan LOOM toewys mits:
   
   1. elke leerder in die skool oor 'n handboek vir elke vak beskik en toegang tot ander LOOM-hulpbronne het;
   2. die skool jaarliks 10% van die LOOM-toewysing vir die aankoop van biblioteekmateriaal gebruik het om die biblioteekvoorraad aan te vul en die totale getal items in die biblioteekvoorraad nou bestaan uit die minimum internasionale standaarde van 10 items per leerder;
   3. en die beheerliggaam 'n formele besluit aangaande hierdie afwyking geneem het. (Hierdie besluit van die beheerliggaam rakende die begroting wat aan 'n ouervergadering voorgelê moet word, moet verduidelik word en die bedrag wat per leerder aan LOOM bestee is, moet voorsien word. Hierdie besluit moet by die ouervergadering voorgele word, ongeag of dit deur die kringbestuurder ondersteun word of nie.)

5. Hoe om LOOM te verkry:
   
   1. Nie-artikel 21-skole moet die voorgeskrewe prosedures in Bylae A volg.
   2. Waar geen amptelike kontrak in plek is nie, sal die WKOD In ooreenstemming met die Provinsiale Tesourie-instruksies, die LOOM versoeke van alle nie-artikel 21-skole op die Geintegreerde Verkrygingstelsel ("IPS") wat deur Ariba bestuur word, adverteer. Hierdie stelsel laat kompeterende bieery toe in ooreenstemming met die wetgewing gepromulgeer ingevolge die Wet op die Raamwerk vir Voorkeurverkrygingsbeleid, 2000 (Wet 5 van 2000).
   3. Skole moet alle LOOM-aanvullings kies uit die goedgekeurde nasionale katalogusse wat op die WKOD se webtuiste by http://wcedonline.westerncape.gov.za/index.html beskikbaar is.
   4. Die WKOD stel skole jaarliks (deur middel van omsendbriewe) in kennis oor die tydsraamwerke vir die bestel van KABV-aanvullingshandboeke op SOBIS.
   5. Vir bystand met die kies van skoolbiblioteekmateriaal moet skole met mnr. Timothy Cloete, die EDULIS-koordineerder: Skoolbiblioteekdienste by tel. 021 957 9626 in verbinding tree. Die distrikskoolbiblioteekadviseur en/of bronnesentrumkoordineerder kan ook in verband met die ontwikkeling van skoolbiblioteke gekontak word.

1. Die N&S-toewysing aan skole is bedoel vir die betaling van, onder andere, hulle maandelikse munisipalediensterekeninge, bv. elektrisiteit, water, riool en vullisverwydering, (beskikbaarheid- en gebruikskoste), maar sluit die betaling van eiendomsbelasting uit. Soos in die verlede, sal die staat die eiendomsbelasting op eiendom wat in die naam van die Provinsiale Regering van die Wes-Kaap (PRWK) of, onder sekere omstandighede, die Republiek van Suid-Afrika (RSA) geregistreer is, betaal.

2. Enkele skole het aangedui dat hulle nie hul eie munisipale dienste wil bestuur nie en hul rekeninge sal steeds deur die betrokke distrikskantore betaal word. Die distriksamptenare sal elke maand elke skool van afskrifte van sy rekeninge voorsien sodat dit nagegaan en daar bevestig kan word dat die rekeninge korrek is. Die WKOD 032-bedrag verteenwoordig dit waarvoor die WKOD aanspreeklik sal wees en dit sal gebruik word om vir munisipale dienste te betaal. Skole sal aanspreeklik wees vir die vereffening van enige munisipale skuld aangegaan wat meer is as waarvoor op die WKOD 032 begroot is.

3. Nie-artikel 21-skole moet aan die hand van vorige jare se uitgawes plus inflasie-aanpassings, die bedrag bereken wat hulle opsy moet sit vir munisipale dienste en dit op die WKOD 032-vorm aandui. Hierdie bedrag en instandhoudingsgelde sal gelyktydig aan daardie skole wat die funksie aanvaar het, betaal word. Waar die N&S-toewysing vir munisipale dienste onvoldoende is, word daar van skole verwag om, waar nodig, die toewysing vanuit hul eie inkomste aan te vul.

4. Skole moet steeds, onder andere, die besparingsmaatreëls wat in Bylae B aangedui word, toepas.

5. Eskom en die meeste munisipaliteite het aangedui dat hulle meters vir voorafbetaalde elektrisiteit aan skole beskikbaar kan stel. Dit sal skole in staat stel om hul elektrisiteitsverbruik beter te beheer. Skole moet Eskom of hul plaaslike munisipaliteit kontak, soos van toepassing, indien hulle voorafbetaalde elektrisiteitsmeters wil laat installeer.

6. Waar dit blyk dat skole nie hul munisipale rekeninge vereffen nie, behou die WKOD die reg voor om fondse uit die N&S-toewysing terug te hou om uitstaande munisipalediensterekeninge namens die betrokke skole te vereffen.

7. Alle skole wat die slim watermeterloodsprojek aanvaar het en wat slim watermeters by hulle skole ge.nstalleer het, moet befondsing van die munisipale-toewysing opsy sit om die maandelikse slim watermeterkoste te dek.

1. Daaglikse instandhouding sluit in die instandhouding van terreine, skoonmaak, opknap, herstel en/of vervanging van gedeeltes van skoolgeboue. Gereelde instandhouding moet gedoen word om te verhoed dat skoolgeboue agteruitgaan en noodherstelwerk as gevolg van verwaarlosing nodig het.

2. Waar die N&S-toewysing vir daaglikse onderhoud onvoldoende is, word van skole verwag om, waar nodig, die toewysing vanuit eie inkomste aan te vul.

3. Skole moet begroot vir daaglikse instandhouding na gelang van die toestand van hul skoolgeboue en terreine.

4. Skole behoort ook 'n bedrag van sy jaarlikse toewysing vir daaglikse instandhouding opsy te sit vir die:
   
   1. instandhouding van toerusting wat gebruik word om die skoolterrein te verbeter, bv. onderhoud van die grassnyer, die aankoop van verf vir tuinbanke op die skoolterrein, en die aankoop van kalk en kunsmis;
   2. instandhouding van brandbestrydingstoerusting, d.w.s. brandslange, brandwiele, toepaslike brandblussers, ens.;
   3. noodinstandhouding van veiligheids- of beskermingsmeganismes 'n waar die bestaande veiligheidsmeganismes (insluitend outomatiese hekke, hekmasjinerie, ens.) by die skool beskadig is as gevolg van 'n inbraak/vandalisme of veroudering; en
   4. instandhouding van omheining en ander veiligheidsmeganismes (alarms, interkomstelsels, ens.).
5. N&S-toewysings mag nie gebruik word vir daaglikse herstelwerk aan koshuise nie. Sodanige herstelwerk moet uit leerders se losiesgeld en beurse befonds word.

• Besoldiging van personeel wat deur die beheerliggaam aangestel is
• Nuwe geboue
• Koshuisuitgawes
• Lenings aan individue of ander inrigtings
• Voertuie

Ingevolge paragraaf 97 van die NNSSB aanvaar die WKOD verantwoordelikheid vir groot noodherstelwerk aan geboue, onderhewig aan die beskikbaarheid van fondse wat vir sodanige gebeurlikhede begroot is. Die volgende herstelwerk sal ooreenkomstig die prosedures in die Standard Operating Procedures for Emergency Maintenance in Western Cape Schools, 2014 oorweeg word:

Ingevolge artikel 36(1) van die Suid-Afrikaanse Skolewet (SASW), 1996 (Wet 84 van 1996), moet beheerliggame alle redelike stappe doen om die staatshulpbronne aan te vul ten einde die gehalte van onderwys wat deur die skool aan alle leerders by die skool voorsien word, te verbeter. Alhoewel geenskoolgeldskole nie verpligte skoolgeld (insluitende registrasiegelde) mag hef nie, word hulle aangemoedig om vrywillige bydraes (donasies) te werf en by fondsinsamelingsfunksies betrokke te raak.

Aansoeke om te verander van nie-artikel 21-status na artikel 21-status moet op die aangehegte aansoekvorm (Bylae C) via die distrikskantoor ingedien word om Hoofkantoor voor 22 Februarie 2019 te bereik. Suksesvolle skole sal eers vanaf die aanvang van die daaropvolgende boekjaar artikel 21-status ontvang, d.w.s. met ingang van 01 April 2019.

Laat aansoeke sal daartoe lei dat artikel 21-status eers vanaf April 2020 toegeken word.

Die fondse wat ooreenkomtig Omsendbrief 0032/2017, gedateer 15 September 2017, aan skole toegewys is, moet voor 31 Maart 2019 deur skole bestee word.