1. Graad R-toewysing
1.1 Toegang tot inligting

Die norme en standaarde (N&S)-toewysings vir graad R vir die boekjaar wat strek vanaf 01 April 2019 tot 31 Maart 2020 is op SOBIS beskikbaar. Toegang daartoe kan soos volg verkry word:

  • Teken aan op SOBIS.
  • Klik op "Proceed" en kies dan die "Administration"-opsie op die kieslys en klik op "Norms and Standards Allocation" en kies "N&S 2019".
  • Druk die bladsy.

Let op die volgende:

Toewysings word bereken volgens die Nasionale Norme en Standaarde vir graad Rbefondsing, soos gewysig in Staatskoerant No. 29179 van 31 Augustus 2006.

Die toewysingsbrief sluit 'n gedetailleerde uiteensetting van die geprojekteerde toewysing vir die 2019/20-boekjaar in, asook voorlopige toewysings vir die volgende twee boekjare, nl. 2020/21 en 2021/22.

Alle toewysings is op grond van SOBIS se leerdertalle bereken.

1.2 Berekening van graad R-toewysing

Goedkeuring is verleen om vanaf 01 April 2019 'n subsidie vir leerders in die volgende ouderdomsgroepe (soos in 2019) in goedgekeurde klasse by gewone openbare skole, geregistreerde VKO-sentrums en onafhanklike sentrums te betaal:

  1. Leerders wat 5 word voor 30 Junie
  2. Leerders wat 5 is en 6 word
  3. Leerders wat 6 is en 7 word (met vryskelding van verpligte skoolbywoning)
1.2.1 Gewone openbare skole (alle staatsbeheerde skole wat graad R aanbied):

Subsidie per kapita:

Nasionale Kwintiel (NK) Skoolgeldstatus van die inrigting Bedrag betaalbaar per leerder per dag
NK1–NK5 Geen skoolgeld R 28
NK4 Skoolgeld R 21
NK5 Skoolgeld R 20

Toewysing vir Leer- en onderrigondersteuningsmateriaal (LOOM):
Vir geenskoolgeldskole is 'n bedrag van R2 237 per maand betaalbaar vir elke klas wat deur 'n WKOD-betaalde onderwyser/praktisyn onderrig word.

Minimum toewysing:
Alle skole met minder as 25 leerders is daarop geregtig om 'n minimum subsidie van R137 796 per jaar te ontvang, en skole met minder as 10 leerders sal 'n bedrag van R124 374 per jaar ontvang.

1.2.2 Openbare preprimere skole:

Elke openbare preprimere skool sal slegs 'n N&S-toewysing van R20 per leerder per dag ontvang.

1.2.3 Onafhanklike sentrums (alle privaat beheerde skole wat graad R aanbied):

Subsidie per kapita:

Skoolgeldstatus van die inrigting Bedrag betaalbaar per leerder per dag
Geen skoolgeld R 28
Skoolgeld R 20


2. Graad-R-subsidie-eise-en betaling
2.1 DIt is belangrik om daarop te let dat:

  • alle graad R-leerders op SOBIS vasgele/geregistreer moet wees;
  • elke graad R-leerder by 'n graad R-klas ingedeel moet wees; en
  • 'n graad R-onderwyser/praktisyn by elke graad R-klas ingedeel moet wees.

Eers nadat die bovermelde gedoen is, kan 'n graad-R-subsidie-eis vir betaling ingedien word.

2.2 As 'n deurlopende proses, moet graad R-subsidie-eise op die volgende manier via SOBIS deur skole/sentrums ingedien word:

  • Teken aan op SOBIS.
  • Klik op "Proceed" en kies dan die "Administration"-opsie op die kieslys en klik op "Gr R Subsidy".
  • Kies "Submit Application".

Voltooi asseblief die toepaslike velde soos vereis en druk die skool se subsidie-eisvorm vir rekorddoeleindes nadat die eis ingedien is. Die skool se subsidie-eis sal elektronies by die toepaslike distrikskantoor ingedien word. Geen verdere optrede sal van die skool verlang word nie.

Verwys asseblief na die Grade R Subsidy Claim Application System User Manual vir gedetailleerde stapsgewyse leiding oor hoe om 'n subsidie-eis suksesvol in te dien.

'n Totale getal van 200 dae per akademiese jaar sal gebruik word by die berekening van die subsidie, waarvan 50% van die toewysing in die April-gedeelte en die oorblywende 50% in die Oktober-gedeelte betaal sal word.

2.3 Tydsraamwerke

Datums vir die 2019-proses:

April-gedeelte (Kwartaal 2 en 3 van die 2019 skooljaar)
Datum Aksie
04 Maart 2019 SOBIS oop vir die indien van eise
15 Maart 2019 Finale datum vir skole/sentrums om eise in te dien

Let wel: Eise kan nie ná hierdie datum vir betaling ingedien word nie

12 April 2019 Distrikskantore finaliseer aanbeveling- en goedkeuringsprosesse op EduInfoSearch en teken af op elke eis
15 Mei 2019 Finale datum vir subsidiebetalings aan skole/sentrums

Oktober-gedeelte (Kwartaal 4 van die 2019 skooljaar en Kwartaal 1 van die 2020 skooljaar)
Datum Aksie
02 September 2019 SOBIS oop vir die indien van eise
13 September 2019 Finale datum vir skole/sentrums om eise in te dien

Let wel: Eise kan nie ná hierdie datum vir betaling ingedien word nie

11 Oktober 2019 Distrikskantore finaliseer aanbeveling- en goedkeuringsprosesse op EduInfoSearch en teken af op elke eis
15 November 2019 Finale datum vir subsidiebetalings aan skole/sentrums

2.4 Vordering van eis

Die vordering van die skool se eis kan soos volg op SOBIS nagespoor word:

  • Teken aan op SOBIS.
  • Klik op "Proceed" en kies dan die "Administration"-opsie op die kieslys en klik op "Gr R Subsidy".
  • Kies "Claim status".
3. Geenskoolgeldskole wat graad R aanbied

Geenskoolgeldskole wat graad R-befondsing van die staat ontvang, mag nie skoolgeld van graad R-leerders vra nie (sien National Financial Management Guidelines in Respect of Schools Offering Grade R Classes, Oktober 2009, bladsy 4).

Ouers kan versoek word om vrywillige bydraes te maak. Hierdie bydraes is nie verpligtend nie en mag nie gebruik word om leerders uit te sluit omdat hul ouers nie sodanige bydraes maak nie.


4. Gebruik van graad R-toewysing
4.1 Salaris van die graad R-onderwyser/praktisyn

Skole word daaraan herinner dat graad R-onderwysers/praktisyns by alle skole die volle 80% van die subsidietoekenning wat twee keer per jaar oorgeplaas word, moet ontvang.

Beheerliggame van NK4- en NK5-skole moet die graad R-onderwyser/praktisyn se salaris vermeerder sodat die onderwyser/praktisyn 'n bedrag wat meer is as die minimum van R9 246 per maand ontvang.

Graad R-onderwysers/praktisyns by geenskoolgeldskole is geregtig op die volle 80% van die subsidie.

4.2 Leer- en onderrigondersteuningsmateriaal (LOOM)

Tien persent (10%) van die subsidie is vir LOOM toegewys, insluitend binnenshuise en buitenshuise LOOM tot voordeel van graad R-leerders.

4.3 Bedryfskoste

Die ander tien persent (10%) van die subsidie is toegewys aan die betaling van die skool se diensterekeninge, soos telefoonrekeninge, water- en elektrisiteitsrekeninge, kopi„vring en drukwerk, skoonmaakdienste vir en instandhouding van die graad R-klaskamer(s), en enige ander dienste wat deur graad R-onderwysers/praktisyns verlang word.


5. Rapporteringsvereistes

Soos deur die distrikskantore gekommunikeer is, moet normale rapporteringsvereistes nagekom word om die volgende subsidiebetaling te bewerkstellig.


6. Finale toewysingsbrief

Die finale toewysingsbriewe (gebaseer op die 2019 kitsopnameleerdertalle) sal teen 15 Maart 2019 op SOBIS gepubliseer word.


7. Kontaknommers vir navrae

Vak Naam Telefoonno.
N&S-toewysings, plaas betalings oor aan skole en ander graad R-subsidieverwante navrae Kontak die toepaslike VKO-bestuurder op distriksvlak Toepaslike distrikskantoor
SOBIS-verwante navrae Kontak die toepaslike SOBIS-administrateur op distriksvlak Die SOBIS-ondersteunings-kontaknommer kan onder die "CEMIS Support"-opsie op die kieslys verkry word


GETEKEN: BK SCHREUDER
HOOF: ONDERWYS
DATUM: 2018:09:28

"Government Gazette No. 29179"  (grootte: 891 KB)