| 1. |
Hierdie omsendbrief is aanvullend tot, en moet saamgelees word met, Omsendbrief: 0012/2018, gedateer 14 Maart 2018. |
| 2. |
Paragraaf 7 van die voormelde omsendbrief verleen die reg aan skole om "die rede waarom die ouer wat aansoek doen nie besonderhede van die totale bruto jaarlikse inkomste van die ander ouer verskaf het nie, is omdat die ander ouer inderdaad geweier of nagelaat het om daardie besonderhede te verskaf...", te verifieer. Dit stel verder dat "die skool nie verplig is om die ouer wat aansoek doen se woord as die rede waarom hy of sy nie die besonderhede verskaf het nie, te aanvaar nie." |
| 3. |
Kommer het ontstaan dat die voormelde paragraaf daartoe kan lei dat ouers wat aansoek doen onredelike moeite moet doen om die nakoming te toon in gevalle waar ouers nie in staat is om met die ouers wat nie aansoek doen nie, kontak te maak nie, bv. 'n bestaande beskermingsbevel teen die ouer wat nie aansoek doen nie. |
| 4. |
Gesien in die lig van die voormelde, moet die Wes-Kaap Onderwysdepartement (WKOD) die eenvormige inwerkingstelling van dieselfde beginsels wat in die Safferuitspraak in die Hoogste Hof van Appel en Omsendbrief: 0012/2018 uiteengesit is, verseker deur 'n redelike en standaard proses daar te stel wat voorsiening maak vir spesifieke riglyne oor die vereistes wat ouers wat aansoek doen, moet nakom sodat hul aansoeke om die vrystelling van skoolgeld oorweeg kan word.
|
| 5. |
Die standaardproses is soos volg: |
| 5.1 |
In gevalle waar 'n beskermingsbevel teen die ouer is wat nie aansoek doen nie, om die ouer wat wel aansoek doen, te beskerm -
Slegs die beskermingsbevel word in hierdie geval benodig en moet aan die aansoek vir die vrystelling van skoolgeld geheg word. Geen verdere stappe word benodig nie. |
| 5.2 |
In gevalle waar 'n ouer wat nie aansoek doen nie, gekontak kan word (met die uitsondering van omstandighede waar 'n beskermingsbevel in plek is, soos hierbo aangedui) - |
| 5.2.1 |
Stap 1: Indien die ouer wat nie aansoek doen nie, wel gekontak kan word (m.a.w. die ouer wat aansoek doen het sy of haar telefoonnommer, e-posadres, posadres of woonadres), moet die ouer wat aansoek doen, stappe neem om die finansiele inligting van die ouer wat nie aansoek doen nie, te verkry. Dit kan geskrewe of mondelings wees. |
| 5.2.2 |
Stap 2: Indien die stappe wat deur die ouer wat aansoek doen, mondelings geneem is, moet die ouer wat nie aansoek doen nie se reaksie in 'n beedigde verklaring uiteengesit word. |
| 5.2.3 |
Stap 3: Die beedigde verklaring moet by die ouer wat aansoek doen se aansoek om die vrystelling van skoolgeld aangeheg word. |
| 5.3 |
In gevalle waar die ander ouer nie gekontak kan word nie –
Dit verwys na omstandighede waar die ouer wat aansoek doen nie die kontakbesonderhede of enige inligting van die ouer wat nie aansoek doen nie, kan verkry nie en daarom nie die finansiële inligting van die ouer wat nie aansoek doen nie, kan aanvra nie. Dit sluit ook gevalle in waar die ouer wat nie aansoek doen nie, nie gekontak kan word nie weens veiligheidsbesorgdhede van die ouer wat aansoek doen. |
| 5.3.1 |
Stap 1: Die ouer wat aansoek doen, moet 'n beëdigde verklaring aflê en onder eed die redes verskaf waarom hy of sy nie die ouer wat nie aansoek doen nie, kan kontak of hul kontakbesonderhede verkry nie. |
| 5.3.2 |
Stap 2: Hierdie beëdigde verklaring moet by die aansoek om die vrystelling van skoolgeld aangeheg word. |
| 6. |
'n Voorbeeld van 'n beëdigde verklaring wat aan die ouer wat aansoek doen, se aansoek om die vrystelling van skoolgeld geheg moet word, is by hierdie omsendbrief aangeheg. |
| 7. |
Skoolbeheerliggame, insluitend prinsipale, moet altyd gelei word deur die oorweging dat die doel van die beleid oor die vrystelling van skoolgeld beskikbaar is om die reg op onderwys van alle leerders te beskerm wie se ouers dit moeilik vind om die opvoeding van hul kind/kinders te finansier. Almal moet enige omvattende maatreëls vermy wat ouers of voogde wat om vrystelling aansoek doen, kan frustreer. |
| 8. |
Prinsipale word vriendelik versoek om die inhoud van hierdie omsendbrief onder die aandag van al die betrokke belanghebbendes te bring. |
GETEKEN: BK SCHREUDER
HOOF: ONDERWYS
DATUM: 2018:09:21
|
 |