| 2. |
Die prinsipaal van 'n skool is die amptelike verteenwoordiger van die Hoof van die Wes-Kaap Onderwysdepartement (WKOD) terwyl hy of sy in die beheerliggaam dien. Hy of sy is dus verplig om seker te maak dat genoegsame administratiewe maatreëls, wat op die volhou van die administratiewe en rekordbestuursprosesse gemik is, gereed is. |
| 3. |
Die hersiene Regulasies vir Prosedures vir die Instelling en Verkiesing van Beheerliggame by Openbare Skole, 2017, gepubliseer in Buitengewone Provinsiale Koerant 7810 van 17 Augustus 2017, bepaal dat die prinsipaal die eerste vergadering van die nuutverkose beheerliggaam binne sewe dae na die ouerverkiesing moet byeenroep. |
| 4. |
Die prinsipaal moet die oorhandigingsproses, wat binne 14 dae na die eerste vergadering van die nuwe beheerliggaam moet plaasvind, fasiliteer. |
| 5. |
Die prinsipaal moet die oorhandigingsproses aanvoer deur alle toepaslike beheerleers, insluitend die grondwet, beleide en prosedures van die beheerliggaam, amptelik aan die nuwe beheerliggaam te verskaf. |
| 6. |
In dieselfde vergadering moet die prinsipaal 'n induksiesessie vir die nuwe lede aanbied en alle vrae, wat die nuwe beheerliggaam mag hê, beantwoord. |
| 7. |
'n Oorhandigingsertifikaat (Bylae A), geteken deur die inkomende asook die uittredende voorsitter, moet voltooi en veilig by die skool bewaar word. |
| 8. |
Prinsipale word herinner dat die WKOD jaarliks geoudit word en bewys van die werklike oorhandigingsproses moet behoorlik genotuleer en opgeneem word. |
| 9. |
Bring dit asseblief onder die aandag van die uittredende beheerliggaamlede. |
GETEKEN: BK SCHREUDER
HOOF: ONDERWYS
DATUM: 2018:01:18
|
 |